सापडलेले पाकीट केले परत

जलगाव जिल्ह्यातील मनोज सोनवणे हे विवाहविषयक कार्यक्रमानिमित्त शिरपूर येथे आले होते. १३ जुलैच्या रात्री नऊ वाजण्याचा सुमारास ते बसस्थानक परिसरात आले होते. यावेळी त्यांच्या खिशातील ८ हजार रुपये रोख, विविध बँकांचे ४ एटीएम, पॅनकार्ड, निवडणूक ओळखपत्र असलेले पाकीट पडले. हे पाकीट थोड्या वेळाने तेथून जाणाऱ्या अख्तर पठाण यांच्यासोबत असलेल्या संत्रा व्यावसायिक सादीक बागवान यांना सापडले हाेते. गावामधील शैलेस सोमटकर यांच्याकडे विवाहविषयक कार्यक्रम असल्याने त्यांच्याकडे मनोज सोनवणे म्हणून कोणी पाहुणे आले का याची चाैकशी करून बागवान यांनी अख्तर पठाण, संदीप देशमुख,अ. मुकीम. गोपाल देशमुख यांच्या उपस्थितीत पैशासह सापडलेले पाकीट मनोज सोनवणे यांना परत केले. विशेष म्हणजे सोनवणे यांचे पाकीट हरविले असल्याचे त्यांच्या लक्षात आले नव्हते.