पोषक हवामानामुळे सुरुवातीला तूरपिकाची स्थिती उत्तम होती. मोठ्या प्रमाणात फुले लदबदल्याने विक्रमी उत्पादन होण्याचे संकेत शेतक-यांनी वर्तविले होते; मात्र मध्यंतरी या पिकावर उद्भवलेला मररोग आणि आता सातत्याने पडत असलेले धुके व कायम असलेल्या ढगाळी वातवरणामुळे तुरीच्या झाडांना केवळ पालाच शिल्लक राहिल्याचे चित्र काही ठिकाणी दिसून येत आहे. ‘अर्ली व्हेरायटी’ असणा-या तुरीपासून काही प्रमाणात उत्पन्न हाती पडले; मात्र उशिरा माल धारण करणा-या तुरीपासून ५० टक्केही उत्पन्न हाती पडणार नाही, अशी स्थिती उद्भवली आहे.
.............................
कोट :
दररोज पडत असलेले धुके व विषम हवामानामुळे तुरीच्या झाडांची शेंडे करपली आहेत. त्यामुळे अर्धीअधिक तूर पूर्णत: नुकसानीच्या विळख्यात सापडली असून उर्वरित झाडांपासूनही फारसे उत्पन्न हाती पडणार नसल्याची स्थिती आहे.
- अभिजित पाटील
शेतकरी, धामणी मानोरा