हळद पीक संरक्षण तंत्रज्ञान विषयावर शेतकरी प्रशिक्षण

या प्रशिक्षणात तज्ज्ञ मार्गदर्शक म्हणून कृषी विज्ञान केंद्राचे कीटक शास्त्रज्ञ राजेश डवरे यांनी भूमिका पार पाडली. तांत्रिक सत्रात राजेश डवरे यांनी आपले तांत्रिक हळद पिकावरील कंदमाशी, खोड किडा, हुमनी पाने खाणारी व पाने गुंडाळणारी अळी, पिकावरील सूत्रकृमी आदि किडींची ओळख, जीवनचक्र, नुकसानीचा प्रकार यावर प्रकाश टाकला, तसेच हळद पिकावरील कंदकुज व करपा आदि रोगाच्या संदर्भातील रोगाच्या प्रादूर्भावाची कारणे लक्षणे व उपाय योजना याविषयी विस्तृत विवेचन करून शेतकरी बंधूंनी हळद पीक संरक्षणासाठी कृषी विद्यापीठे व संशोधन संस्था यांनी शिफारशीत केलेल्या उपाययोजनेचा अंगीकार करावा, असा सल्लाही दिला, तसेच शेतकऱ्यांनी विचारलेल्या विविध शंका व प्रश्नाचे निराकरण केले. या प्रशिक्षणासाठी जिल्ह्यातील आणि जिल्ह्याबाहेरील शेतकरी बंधूंच्या उत्स्फूर्त प्रतिसाद लाभला. या कार्यक्रमाचे सूत्रसंचालन व आभार प्रदर्शन संगणक तज्ज्ञ श्रीकृष्ण बावस्‍कर यांनी केले.