मटन मार्केटमुळे नागरिकांचे आरोग्य धोक्यात

परिसरात सतत अस्वच्छता व घाण

वाशिम : स्थानिक रविवार बाजार स्थित नगर परिषद शॉपींग कॉम्पलेक्स लगतच असलेल्या मटन मार्केट परिसरात सतत अस्वच्छता व घाण राहत असल्याने नागरिकांचे आरोग्य धोक्यात येण्याची शक्यता निर्माण झाली आहे. त्यामुळे सदर मटन मार्केट गावाबाहेर हलविण्यात यावे अशी मागणी शहरवासीयांकडून केली जात आहे. वाशिम हे जिल्हयाचे मुख्यालय असून शहराच्या मधोमध रविवार बाजार येथे नगर पालीकेच्या व्यापारी संकुलला लागूनच मटन मार्केट बांधण्यात आले आहे सदर मटन मार्केट मध्यवस्तीत असून या परिसरात सतत घाणीचे साम्राज्य राहते त्यामुळे सर्वत्र दुर्गंधी पसरली आहे. सदर मटन मार्केटमध्ये जाण्यासाठी असलेल्या रस्त्याला लागूनच येथे मोठी विहीर असून या विहीरीतून नालसाहेबा पुरा, शिवाजी मार्ग, पाटणी चौक, या परिसरात नागरिकांना पिण्याच्या पुरवठाहोत असतो सदर विहीरींमध्ये मटन मार्केट मधील मांस तुकडे व इतर घाण टाकली जात असल्यामुळे याचा परिसरातील नागरिकांच्या आरोग्यास धोका निर्माण होण्याची शक्यता आहे. या मटन मार्केटच्या घाणीमुळे व दुर्गंधी मुळे शॉपींग कॉम्पलेक्स मधील दुकानदारासह येथे येणारे ग्राहक व अवागमन करणारे नागरिक त्रस्त झाले आहेत. त्यामुळे सदरचे मटन मार्केट शहराच्या मध्यभागातून हलवून अन्यत्र गावाबाहेर स्थलांतरीत करावे अशी नागरिक मागणी करीत आहे.