.................
वाशिम शहरातील बाजारपेठेत गर्दी
वाशिम : शहरातील बाजारपेठेत शनिवारी विविध साहित्य खरेदीसाठी सकाळच्या सुमारास मोठ्या प्रमाणात गर्दी झाल्याचे पहावयास मिळाले. नागरिकांकडून नियमांचे पालन केले जात असल्याचेही यावेळी दिसून आले.
...............
शहर स्वच्छतेकडे न.प.चे विशेष लक्ष
वाशिम : शहरातील विविध प्रभागांमधील कचरा नियमित उचलून नेण्यासह सांडपाणी वाहून नेणाऱ्या नाल्यांच्या स्वच्छतेकडे न.प.ने विशेष लक्ष पुरविणे सुरू केले आहे. यामुळे नागरिकांमधून समाधान व्यक्त होत आहे.
...............
ग्रा.पं.कडे कोट्यवधींची विद्युत देयक थकबाकी
वाशिम : जिल्ह्यातील ग्रामपंचायतींकडे पाणीपुरवठा व विद्युत पथदिव्यांचे कोट्यवधी रुपये थकीत आहेत. ही रक्कम अदा करून महावितरणला सहकार्य करण्याचे आवाहन कार्यकारी अभियंता आर.जी. तायडे यांनी केले आहे.
..............
वाशिम शहरातील दुकानांची तपासणी
वाशिम : शहरी भागातील आस्थापना, दुकानांच्या तपासणीसाठी पथके स्थापन करण्यात आली आहेत. त्यांच्याकडून शनिवार, दि. २९ मे रोजी तपासणी करण्यात आली. विनामास्क आढळलेल्या नागरिकांना दंड ठोठावण्यात आला.
...............
‘ते’ कर्मचारी अद्याप मानधनाविना
वाशिम : चालूवर्षी जानेवारी महिन्यात ग्रामपंचायतीच्या निवडणुका झाल्या. या कामासाठी नियुक्ती मिळालेल्या कर्मचाऱ्यांना अद्याप मानधन मिळालेले नाही. निवडणूक विभागाने ते अदा करावे, अशी मागणी होत आहे.
........................
सेवा भवन उभारण्याची मागणी
वाशिम : विविध स्वरूपातील सांस्कृतिक कार्यक्रम साजरे करण्यासाठी हक्काचे ठिकाण म्हणून सेवा भवन उभारण्यात यावे, अशी मागणी मोहजा येथील ग्रामपंचायत पदाधिकाऱ्यांनी प्रशासनाकडे निवेदनाद्वारेे केली.
...........................
शेकडो शेतकरी मदतीपासून वंचित
वाशिम : परिसरात गतवर्षी परतीच्या पावसामुळे हजारो एकरावरील सोयाबीनचे मोठ्या प्रमाणात नुकसान झाले. असे असताना अनेकांना अद्याप मदत मिळालेली नाही. प्रशासनाने लक्ष पुरवून मदत करावी, अशी मागणी होत आहे.
..............
नियमाचे उल्लंघन; दंडात्मक कारवाई
वाशिम : दुचाकीवरून तिबल सीट प्रवास करणाऱ्या जवळपास २० जणांवर गत दोन दिवसांत पोलिसांनी कारवाई केली. वाशिम ते कनेरगाव या रस्त्यावर पोलिसांची चमू कारवाईसाठी तळ ठोकून असल्याचे दिसून येत आहे.
..............
कोरोना चाचणी करण्याचे आवाहन
वाशिम : कोरोना रुग्णांची संख्या आता घटत चालली आहे. असे असले तरी सर्दी, ताप, खोकला, घसादुखी आदी लक्षणे असणाऱ्यांनी तसेच बाधितांच्या संपर्कातील व्यक्तींनी कोरोना चाचणी करून घ्यावी, असे आवाहन आरोग्य विभागाकडून करण्यात आले.
..............
तलाठ्यांना स्वतंत्र कार्यालयाची मागणी
वाशिम : गावपातळीवरील महसूल विभागाचा कणा असलेल्या तालुक्यातील सुमारे ३० तलाठ्यांना बसण्याकरिता कार्यालय आवश्यक आहे. त्यासाठी मात्र स्वतंत्र जागा व इमारत नाही. ही व्यवस्था देण्याची मागणी तलाठ्यांमधून होत आहे.
............
नदीवरील पुलाच्या दुरुस्तीची मागणी
वाशिम : मालेगाव तालुक्यातील गोकसावंगी या गावावरून मेडशीकडे जाणाऱ्या रस्त्यावरील नदीवर असलेला पूल धोकादायक अवस्थेत आहे. पावसाळ्यात यामुळे पूरपरिस्थिती उद्भवते. याकडे संबंधित यंत्रणेने लक्ष देण्याची मागणी होत आहे.