४५ वर्षांवरील सर्व नागरिकांनी लस घ्यावी

जिल्ह्यात कोरोना प्रतिबंधक लसीचा पुरेसा साठा उपलब्ध असून, आणखी २० हजार डोस प्राप्त झाले आहेत. जिल्ह्यात ८८ केंद्रांवर लसीकरण सुरू असून, ४५ वर्षांवरील सर्व नागरिकांना लस देण्यास सुरुवात झाली आहे. जिल्ह्यात लसीकरणासाठी कोविशिल्ड व कोवॅक्सिन लस उपलब्ध असून, या दोन्ही लसी पूर्णतः सुरक्षित असून, त्यांचा कोणताही गंभीर दुष्परिणाम जाणवत नाही. जिल्ह्यात आतापर्यंत ५० हजारपेक्षा अधिक नागरिकांनी ही लस घेतली असून, यापैकी कोणालाही गंभीर दुष्परिणाम जाणवलेला नाहीत. त्यामुळे नागरिकांनी मनात कोणतीही भीती न बाळगता किंवा कोणत्याही अफवांवर विश्वास न ठेवता कोरोना प्रतिबंधक लस घ्यावी. कोरोना संसर्गापासून आपला बचाव करण्यासाठी ही लस फायदेशीर आहे. १ एप्रिल रोजी सायंकाळच्या आकडेवारीनुसार जिल्ह्यात कोविशिल्ड लसीचे ४ हजार २२ डोस उपलब्ध आहेत, तसेच कोवॅक्सिन लसीचे सुमारे २० हजार डोस उपलब्ध आहेत. उद्या, २ एप्रिल रोजी कोविशिल्ड लसीचे आणखी २० हजार डोस उपलब्ध होणार आहेत. तसेच यापुढेही नियमितपणे लसीचा पुरवठा सुरु राहणार असल्याची माहिती जिल्हा आरोग्य अधिकारी डॉ. आहेर यांनी दिली.