मंगरुळपीर बाजार समिती निवडणुकीत ४0 उमेदवार रिंगणात

जि.प. उपाध्यक्ष व गटनेते आमने-सामने

मंगरूळपीर (जि. वाशिम) : अतिशय प्रतिष्ठेची मानली जाणारी मंगरुळपीर कृषिउत्पन्न बाजार समिती निवडणुकीत ४0 उमेदवार रिंगणात असून, या निवडणुकीत दुरंगी लढत होणार असल्याचे नामांकन अर्ज मागे घेण्याच्या दिवशी स्पष्ट झाले आहे. मंगरुळपीर कृषिउत्पन्न बाजार समितीच्या १८ संचालकांच्या जागांसाठी ८ ऑगस्ट रोजी होऊ घातलेल्या निवडणुकीकरिता १0१ उमेदवारांनी नामांकन अर्ज दाखल केले होते. २0 जुलै रोजी नामांकन अर्ज मागे घेण्याच्या दिवशी ६१ उमेदवारांनी आपले उमेदवारी अर्ज मागे घेतल्याने ४0 उमेदवार रिंगणात राहिले आहेत. यामध्ये शेतकरी सेवा संस्था भटक्या जमाती, विमुक्त जमाती मतदारसंघात निळकंठ रामचंद्र राठोड, सीताराम वजीरा तागडे, घनश्याम प्रेमसिंह पवार, शेतकरी प्रतिनिधी सेवा सहकारी संस्था महिला मतदारसंघात कुसुम ङ्म्रीराम राऊत, गोकुळाबाई उद्धवराव बारड, पुष्पा प्रदीप धोटे व संगीता दतात्रय शिंदे, व्यापारी-अडते मतदारसंघात ओमप्रकाश सत्यनारायण बंग, मंगेश सत्यनारायण बजाज, किशोर जयंतीलाल ओझा, गिरीश नरसिंगदास बाहेती, मनोज नंदलाल छल्लानी, भगवानराव रतनलाल आसावा, ग्रामपंचायत मतदारसंघ एससी-एसटी मतदारसंघात साहेबराव विष्णू भगत, कमलाबाई उत्तमराव इंगोले यांच्यात लढत होणार आहे. ग्रामपंचायत सर्वसाधारण मतदारसंघात गोपाल शंकरराव लुंगे, माणिकराव रामचंद्र आव्हाळे, उमेश आत्माराम गावंडे, किशोर प्रकाश म्हातारमारे व पार्वताबाई सुभाष अवगण, तर आर्थिक दुर्बल घटक ग्रामपंचायत मतदारसंघातून भीमराव लोडू चव्हाण व संजय विनायक भोयर यांच्यामध्ये थेट लढत होणार आहे. शेतकरी प्रतिनिधी सेवा सहकारी संस्था इतर मागासवर्गीय मतदारसंघात जि.प उपाध्यक्ष चंद्रकांत ठाकरे व जि.प. गटनेते शिवदास पाटील आमने-सामने उभे ठाकले आहे.