दंगलीतील ३४ आरोपी अटकेत

कारंजा दंगलीतील आठ आरोपी फरार

कारंजा लाड (जि. वाशिम) : शहरात १४ जुलै रोजी दोन गटांत उसळलेल्या दंगलप्रकरणात कांरजा पोलिसांनी २0 जुलैपर्यंत विविध कलमान्वये ३४ आरोपींना अटक करण्यात आली आहे. पोलीस निरीक्षक गजानन गुल्हाने यांनी दिलेल्या माहितीनुसार, गत १४ जुलै रोजी उसळलेल्या दंगलीत युवकाच्या मृत्यूप्रकरणी दाखल करण्यात आलेल्या भादंविच्या कलम ३0२ च्या गुन्हय़ात चार आरोपींना अटक करण्यात आली, तर या प्रकरणातील दोन आरोपी फरार आहेत. कलम ३0७ च्या गुन्हय़ात एक आरोपी अटकेत असून, सहा आरोपी फरार आहेत. त्याशिवाय दंगलीच्या प्रकरणात आजवर २९ आरोपींना अटक करण्यात आली आहे. या घटनाक्रमातील कलम ३0२ आणि ३0७ चा तपास मंगरुळपीरचे ठाणेदार गिरमे व पोलीस उपनिरीक्षक बैयस ठाकूर, तर अल्पवयीन मुलीच्या छेडखानी प्रकरणाचा तपास पोलीस उपनिरीक्षक मते या करीत आहेत. या प्रकरणात चौकशी सुरू असून, आणखी संशयित आरोपींना अटक केली जाण्याची शक्यता पोलिसांनी वर्तविली आहे. कारंजा येथील परिस्थिती पूर्वपदावर येत असून, संचारबंदीमध्ये मोठय़ा प्रमाणात शिथिलता देण्यात येत आहे. २0 जुलै रोजी सकाळी ८ ते ६ वाजेपर्यंत संचारबदी शिथिल केल्याने कारंजा शहर हे बर्‍याच प्रमाणात पूर्वपदावर आलेले दिसून आले.