कासा : डहाणू तालुक्यातील कुणबी व आदिवासी समाजाची लोकवस्ती असलेले डोंगराच्या कुशीत आणि सूर्या नदीच्या तिरावर वसलेले निसर्गरम्य उर्सें गाव ह्या गावाने एक गांव एक गणपतीच्या माध्यमातून जनते समोर एक आदर्श उभा केला आहे.
गेल्या 47 वर्षांपासून उर्से गावातील सर्व समाजाचे महिला, पुरु ष व अबालवृद्ध एकत्र येवून सार्वजनिक गणेशोत्सव ,सार्वजनिक गौरीत्सव, नवरात्रोत्सव ,गोपाळकाला यासह सर्व सण अखंड एकत्र एवून आनंदाने साजरे करत आहेत. यंदाचे ४७ वे वर्ष असून ह्या गावाची लोकसंख्या २५०० च्या आसपास आहे. गणपती व गौरी उत्सवात विविध सांस्कृतिक कार्यक्र मांचे व खेळांचे आयोजन केले जाते.ह्या गावाला आध्यात्मिक परिवाराची शिकवण आहे हाच आदर्श ह्या गावाने जोपासला आहे.कोणत्याही घरी घरगुती गणपती बसविला जात नाही. म्हणून संपूर्ण गाव एकाच ठिकाणी एकत्र येउन सर्व उत्सव साजरे करतात.विशेष म्हणजे गावातील तरु ण एकत्र येऊन डेकोरेशन आणि आरास तयार करत असतात, येथे बनविण्यात येणारा आरासही इको फ्रेंडली असतो, ह्या वर्षी बांबू, नारळीच्या पात्या, लाकडाचा भुसा, कापूस ह्या पासून नारळ तयार करून त्यात बाप्पाना विराजमान केलं आहे विशेष म्हणजे ह्या गावामध्ये तीन मंडळे कार्यरत असून कोणत्याही प्रकारची देणगी गावाच्या बाहेरून स्वीकारली जात नसून सर्व आर्थिक बाब हि गावकरीच गोळा करतात. या गावाने एक आपले स्वत:चे भव्य सभागृह कोणतीही देणगी न घेता उभे केले आहे गावाचे सर्व गावकरी येथेच आपले सर्व सण एकत्र साजरे करतात . तर सर्व काम ही श्रमदनातून केली जातात.ह्या गावाची परंपरा अशी कि गणपती व गौरी विसर्जना नंतर शिल्लक राहिलेल्या सर्व वस्तूंचा लिलाव केला जातो व भगवंता वरचा भाव म्हणून गावकरी सर्व वस्तू चढ्या भावाने आनंदाने खरेदी करतात. ह्या मधून उरलेले पैसे गरजवंत गाव शेतकरयांना व्याजाने वाटप केले जातात .व पुढील वर्षी ह्याच पैश्यातून हे सण साजरे करतात. दर वर्षी नवीन मंडळाचे पदाधिकारी बिनविरोध निवडले जातात. ठिकाणी जुगार व नश्या यांना पूर्णपणे विरोध असतो व असे करणारास दंड आकारला जातो गांवकरीनी सामाजिक भावनेतून संघिटत व्हावे हा एकतेचा सामाजिक संदेश ह्या माध्यमातून उर्से गावाने जनतेला देण्याचा प्रयत्न केलाय.