शहरं
Join us  
Trending Stories
1
Malegaon Factory Election Result: माळेगाव सहकारी साखर कारखाना निवडणूक अजित पवारांच्या लाटेत
2
Swargate Case :स्वारगेट बलात्कार प्रकरणी पोलिसांकडून पीडितेला मानसिक त्रास; वकिलांचा आरोप
3
अमेरिकेच्या हल्ल्यांमुळे अणु-प्रकल्प मोठ्या प्रमाणावर उद्ध्वस्त; इराणने अखेर कबुल केलं!
4
प्रकाश आंबेडकरांना धक्का, ७६ लाख वाढीव मतदान याचिका फेटाळली; कोर्ट म्हणाले, “वेळ वाया गेला”
5
“पहिलीपासून हिंदी लादण्याचा निर्णय रद्द करण्यास सरकारला भाग पाडू”; काँग्रेसचा निर्धार
6
ENG vs IND : पहिल्या सामन्यातील पराभवानंतर टीम इंडियानं या गोलंदाजाला पाठवलं घरी, कारण...
7
भारतातील ५ सर्वात महागड्या गाड्या, किंमत ऐकून बसेल धक्का; कोण आहेत मालक? जाणून घ्या...
8
आणीबाणीविरोधात केंद्रीय मंत्रिमंडळात प्रस्ताव, PM मोदींसह उपस्थित मंत्र्यांनी दिले अनुमोदन
9
सर्व सरकारी कामात कन्नड भाषेचा वापर अनिवार्य; कर्नाटकतील काँग्रेस सरकारचा मोठा आदेश
10
'पंख तुमचे, पण आकाश सर्वांचे...', काँग्रेस अध्यक्ष खरगेंच्या टीकेला शशी थरुर यांचे प्रत्युत्तर!
11
साडूच्या स्टेटसवर दिसला बायकोचा फोटो; नवऱ्याने जाब विचारताच केली 'अशी' हालत
12
जिथे अमेरिका-इस्रायल पोहचू शकत नाहीत; इराणने 'या' पर्वतात लपवले ४०० किलो युरेनियम
13
पुणेकरांसाठी मोठी बातमी! मेट्रो लाईन २ च्या विस्ताराला मंजुरी, केंद्राचा ३६२६ कोटींचा निधी
14
Viral Video : आजीबाईंनी असा ट्रॅक्टर चालवला की सगळे बघतच राहिले! नेटकरीही म्हणतायत वाह वाह...
15
"परेश रावल यांच्याशिवाय...", 'हेरा फेरी ३'च्या वादावर सोनाक्षी सिन्हा म्हणाली असं काही...
16
इंदिरा गांधींचा निर्णय संविधानिक, ११ वर्षांपासून सुरू असलेल्या अघोषित आणीबाणीचे काय?: सपकाळ
17
इराणचा अणुबॉम्बबाबत मोठा निर्णय; अणुनिरीक्षण संस्थेशी संबंध तोडणार!
18
ना रोहित-विराटसारखी धमक; ना सिनियर्ससमोर बोलण्याचं धाडस! गिलच्या कॅप्टन्सीवर दिग्गजाचे मोठं वक्तव्य
19
Sara Tendulkar सोबत 'भटकंती', टीम इंडियाच्या क्रिकेटरसोबत 'डेटिंग'च्या चर्चा, कोण आहे Grace Hayden?
20
आता वर्षातून दोनदा होणार दहावीच्या बोर्डाची परीक्षा; CBSE बोर्डाचा मोठा निर्णय

Coronavirus Live News: वसई-विरारमध्ये कोरोनाबाधित रुग्णांची वाढ दुप्पट; नागरिकांमध्ये वाढली चिंता

By लोकमत न्यूज नेटवर्क | Updated: March 25, 2021 01:42 IST

प्रशासनासमोर मोठे आव्हान,  महापालिका हद्दीत आता दोन दिवसाआड होणार लसीकरण

वसई : वसई-विरार शहर महापालिका परिसरात कोरोनाच्या वाढत्या प्रादुर्भावामुळे बाधित रुग्णांच्या संख्येत दुप्पट वाढ झाल्याने चिंता व्यक्त होत आहे. दरम्यान, रुग्णांच्या सेवेसाठी वरुण इंडस्ट्रीज, वालीव, वसई पूर्व येथील कोविड केअर सेंटर पुन्हा सुरू करण्यात आले असून तेथील कोरोना प्रतिबंधक लसीकरण तूर्तास बंद करण्यात आले आहे.

वसई-विरार महापालिका क्षेत्रात बुधवारी तब्बल १९८ रुग्ण आढळून आले आहेत. गेल्या काही दिवसांत सातत्याने वाढत असलेली रुग्णांची संख्या चिंता वाढवणारी आहे. बुधवारी एका बाधित रुग्णाचा मृत्यू झाला असून, ४० रुग्ण बरे होऊन घरी परतले आहेत. मात्र, तरीही अद्यापही ९४६ रुग्ण विविध रुग्णालयांमध्ये उपचार घेत आहेत. पालिका हद्दीत गेल्या काही दिवसांपासून शंभरच्या आसपास रुग्णवाढ होत होती, मात्र बुधवारी त्याच्या दुप्पट वाढ झाल्याने प्रशासन खडबडून जागे झाले आहे.

दरम्यान, महापालिका क्षेत्रात कोरोना प्रतिबंधक लसीकरणासाठी सोमवार, बुधवार, शुक्रवार या तीन दिवशी महापालिकेच्या नागरी प्राथमिक आरोग्य केंद्रांपैकी विरार पूर्वेकडील चंदनसार, रानळे तलाव, नारिंगी विरार पश्चिमेकडील निदान बोळिंज नालासोपारा पूर्वेकडील मोरेगाव, धानीव, नालासोपारा पश्चिमेकडील पाटणकर पार्क, तर वसई पूर्वेकडील वालीव, वसई पश्चिमेकडील दिवाणमान, नायगाव पूर्वेकडील जुचंद्र येथील महानगरपालिकेच्या नागरी प्राथमिक आरोग्य केंद्रांमध्ये कोरोना प्रतिबंधक लसीकरण सुरू करण्यात आले आहे, अशी माहिती जनसंपर्क अधिकारी गणेश पाटील यांनी ‘लोकमत’ला दिली. 

सोमवार ते शनिवार या दिवशी वसई पश्चिमेकडील नागरी प्राथमिक आरोग्य केंद्र वसई (डी.एम. पेटीट हॉस्पिटल) तसेच तुळिंज हॉस्पिटल, नालासोपारा पूर्व, बोळिंज अलगीकरण केंद्र, विरार पश्चिम यामध्ये कोरोना प्रतिबंधक लसीकरण सुरू करण्यात आलेले आहे. दरम्यान, शासनाच्या आरोग्य योजनांमध्ये सहभागी असणाऱ्या खाजगी हॉस्पिटल्समध्येही कोरोना प्रतिबंधक लसीकरण सुरू असून नागरिकांच्या सोयीसाठी लवकरच कौल सिटी कोविड केअर सेंटर, वसई पश्चिम येथे लसीकरण केंद्र सुरू करण्यात येणार असल्याचेही पालिका आरोग्य विभागाने सांगितले.

जव्हारला बँकेसमोर पैसे काढण्यासाठी लांबच लांब रांग 

तालुक्यात दोनच राष्ट्रीयीकृत बँका असून होळीचा सण जवळ आल्याने रोजगार हमी व शासनाच्या विविध योजनांचे पैसे  काढण्यासाठी नागरिकांनी सकाळपासूनच मोठी गर्दी केली होती. दुसरीकडे जव्हारला कोरोना रुग्ण आढळले असून ही संख्या दिवसेंदिवस वाढत असताना बँकेसमोर लगलेल्या लांबच लांब रांगांनी सामाजिक अंतराचा फज्जा उडाला होता. रोजगार हमीच्या कामांची मजुरी थेट बँकेत जमा होत असते. तसेच शासनाच्या विविध योजनांचे पैसेही बँकेतून मिळतात. होळीचा सण साजरा करण्यासाठी बँकेत जमा झालेले पैसे काढण्यासाठी ग्राहकांनी एकच गर्दी केली होती. त्यातच लॉकडाऊन पुन्हा होणार अशी चर्चा असल्याने दररोज सकाळी आठ वाजेपासून खेड्यातून नागरिक येत आहेत. तालुक्यात महाराष्ट्र बँक आणि स्टेट बँक ऑफ इंडिया या दोन राष्ट्रीयीकृत बँका जव्हारमधील मुख्य बाजरपेठ असलेल्या गांधी चौक येथे आहेत. मुख्य बाजारापेठ आणि रस्त्यावर रणरणत्या उन्हात तासनतास नागरिकांनी, लांबपर्यंत रांगा लावल्या होत्या. महाराष्ट्र बैंकेत पैसे काढण्यासाठी झालेल्या या गर्दीने सामाजिक अंतराचा पुरता फज्जा उडाल्याचे दिसून आले. 

टॅग्स :corona virusकोरोना वायरस बातम्या