स्ट्रीप्स

स्ट्रीप्स
एलटीटी-लखनौ एसी सुपरफास्ट
मुंबई - एलटीटी-लखनौ एसी सुपरफास्ट ट्रेन सोडण्याचा निर्णय मध्य रेल्वेने घेतला आहे. तत्काळ विशेष असणार्‍या या ट्रेनच्या आठ फेर्‍या होतील. ट्रेन नंबर 0२१११ आणि 0२११२ जुलै ४ पासून ते २६ जुलैपर्यंत धावेल, असे मध्य रेल्वेकडून सांगण्यात आले. या ट्रेनला ठाणे, कल्याण, नाशिक रोड, जळगाव, भुसावळ, हबिबगंज, झांसी, ओराई आणि कानपूर स्थानकात थांबा देण्यात येणार आहे.

दुरोन्तो एक्सप्रेसला दोन थर्ड एसी डबे
मुंबई - पश्चिम रेल्वेने ट्रेन नंबर १२२६७ आणि १२२६८ मुंबई-अहमदाबाद दुरोन्तो एक्सप्रेसला दोन अतिरिक्त थर्ड एसी डबा जोडण्याचा निर्णय घेतला आहे. हे डबे कायमस्वरुपी जोडण्यात येणार असल्याचे पश्चिम रेल्वेकडून सांगण्यात आले. हे डबे जोडल्याने दुरोन्तो १७ डब्यांची होईल.
..............................

रुळांलगतच्या झोपड्यांमध्ये जनजागृती
मुंबई - रेल्वे ट्रॅकजवळ असणार्‍या झोपड्यांमधून लोकलवर दगडफेकीच्या घटना सातत्याने घडत आहेत. १ जुलै रोजी अशाच एका घटनेत मानखुर्द येथून लोकलने संध्याकाळी प्रवास करताना महिला पोलिस शिपाई हर्षदा जाधव यांच्या ओठाला दगड लागला. यात त्या जखमी झाल्याने त्यांना तात्काळ जवळच्या रुग्णालयात दाखल करण्यात आले. त्यानंतर जीआरपीकडून रुळांलगतच्या झोपड्यांमध्ये जाऊन जनजागृती मोहीम हाती घेतली आहे. (फोटो आहे)