ऊसFOLLOW

शिरोळ : साखर कारखानदारांच्या दबावाला बळी पडून गतवर्षीचा १०० रुपयांचा प्रस्ताव शासनाने मंजूर केलेला नाही. तातडीने शेतकऱ्यांचे पैसे द्यावेत. ते पैसे आमच्या हक्काचे आहेत. मागील थकीत पैसे घेतल्याशिवाय स्वस्थ बसणार नाही. यासाठी लोकसभा निवडणुका झाल्यावर साखर अडवणार आहे. जोपर्यंत पैसे मिळत नाहीत, तोपर्यंत गाड्या बाहेर सोडणार नाही, असा इशारा स्वाभिमानी शेतकरी संघटनेचे अध्यक्ष माजी खासदार आणि हातकणंगले लोकसभा मतदारसंघाचे उमेदवार राजू शेट्टी यांनी बुधवारी रात्री दिला. अब्दुललाट (ता. शिरोळ) येेथील शेतकरी मेळाव्यात ते बोलत होते.ते म्हणाले, शेतकऱ्यांना गुलाम करण्याचा राज्यकर्त्यांचा डाव आहे. माझी लढाई त्या भ्रष्ट व्यवस्थेच्या विरोधात आहे. इंग्रजांच्या तावडीतून देश स्वतंत्र झाला पण धनदांडग्यांनी सामान्य माणसाला पारतंत्र्यात ठेवले आहे. जिल्ह्यातील साखर कारखानदार माझ्या विरोधात एकवटले आहेत. गेल्या ५ वर्षांत मी स्वस्थ बसलो नाही. सर्वसामान्यांची हक्काची लढाई लढत आलो आहे. गेली ३० वर्षे शेतकरी चळवळ चालवत आलो आहे. महाविकास आघाडीच्या कार्यकाळात शेतकऱ्यांची वाट लागलेली आहे. महापुराच्या काळात पूरग्रस्त शेतकऱ्यांची सरकारने थट्टा केली. ५० हजार शेतकरी जलसमाधी घेण्यासाठी नृसिंहवाडीत आले होते. तरीही महाविकास आघाडी सरकारला शेतकऱ्यांची दया आली नाही. पूरग्रस्त शेतकऱ्यांना त्यांनी त्यावेळी वाऱ्यावर सोडले. महायुती व आघाडी सरकारकडून शेतकऱ्यांची पिळवणूक झाली आहे.प्रा. जालंधर पाटील, सावकर मादनाईक, शैलेश आडके, विठ्ठल मोरे यांची भाषणे झाली. यावेळी सहदेव चौधरी, सचिन शिंदे, आप्पा पाटील, पोपट अक्कोळे, महावीर गिरमल, जयश्री पाटील, मिलिंद साखरपे, राम शिंदे आदी उपस्थित होते.

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

ऊसFOLLOW

Sugarcane ऊस हे नगदी पीक म्हणून सिंचनाची सोय असलेल्या भागातील शेतकऱ्यांमध्ये लोकप्रिय आहे.

Read more

लोकमत शेती : सोलापूर जिल्ह्यात ३८ कारखान्यांनी मागितली गाळपाला परवानगी

लोकमत शेती : चालू गळीत हंगामासाठी एकरकमी ३५०० रुपये प्रतिटन पहिली उचल देण्यात यावी

पुणे : Pune: वडगाव रासाईत शॉर्टसर्किटमुळे पाच एकर ऊस जळून खाक

लोकमत शेती : एकरकमी ३५०० रुपये टाका, मगच ऊस तोडा

लोकमत शेती : विठ्ठल सावंत यांच्या एकत्रित कुटुंब पद्धतीने वाढविला डाळिंबाचा गोडवा

लोकमत शेती : ऊस गाळप हंगाम वेळेत सुरू न झाल्यास अडचण

लोकमत शेती : पुढील चार दिवस जोरदार पावसाची शक्यता

लोकमत शेती : जयसिंगपुरात स्वाभिमानीची उद्या ऊस परिषद

लोकमत शेती : गावात राहून जनावरांना काय खाऊ घालणार? ऊसतोड मजुरांचा प्रश्न

लोकमत शेती : मार्ग न काढता कारखाने सुरू करणार तर मैदानात संघर्ष करण्याचा स्वाभिमानीचा इशारा