फेसबुकFOLLOW

आजकाल विविध सोशल मिडिया साईट्समुळे जगाच्या कोणत्याही कोपऱ्यात बसलेला माणूस कोणाशीही संवाद साधू शकतो. आता दूर राहणाऱ्या व्यक्तीला फोन करुन हालहवाल विचारण्याऐवजी लोक मेसेज करुन गप्पा मारतात. त्यासाठी वॉट्सअप आहे, इंस्टाग्राम आहे तसेच फेसबुकही आहे. गप्पा मारण्यात लोकं तासंतास घालवतात. नवी पिढी तर खटाखट मेसेज टाईप करुन चॅटींग करते. (World Emoji Day : Gen Z's language , trend of using Emojis, chatting can not be done without using emoji. )चॅटींगच्या या जमान्यात शब्दांपेक्षा जास्त इमोजीच वापरले जातात. जपानमध्ये राहणाऱ्या शिगेताका कुरीता या व्यक्तीने पहिला इमोजी तयार केला होता. बघताबघता जगभरातील सगळ्या कंपन्यांनी ही कल्पना उचलली आणि विविध प्रकारच्या भावना-हावभाव दर्शवणारे इमोजी तयार केले. हसण्या रडण्यापासून लाजण्यापर्यंत सगळ्या भावनांचे इमोजीमध्ये रुपांतर करण्यात आले. या संकल्पनेला मिळालेला प्रतिसाद पाहून इमोजीपिडियाचा संस्थापक म्हणजेच जेरेमी बर्ज याने जागतिक इमोजी दिवस साजरा करायला सुरवात केली. १७ जुलै हा दिवस जगभरातून इमोजी दिवस म्हणून साजरा केला जाऊ लागला. इमोजीची मुळात निर्मिती ज्या हेतूने करण्यात आली होती, तो साध्य होताना दिसतो. ऑनलाईन संवाद साधताना समोरच्याला आपण पाहू शकत नाही, हावभाव आपल्याला दिसत नाहीत. त्यामुळे चॅटींग जास्त प्रभावी व्हावे तसेच भावना स्पष्टपणे समोरच्यापर्यंत पोहचाव्यात यासाठी इमोजी तयार करण्यात आले.२००० सालापासून इमोजींचा वापर आंतरराष्ट्रीय स्तरावर वाढू लागला. २०१० मध्ये, युनिकोड कन्सोर्टियमने इमोजींचा समावेश केला. ज्यामुळे ते विविध प्लॅटफॉर्म्स आणि ऑपरेटिंग सिस्टिम्सवर वापरणे शक्य झाले. त्यानंतर, अॅपल, गूगल, मायक्रोसॉफ्ट आणि इतर कंपन्यांनी इमोजींचा समावेश केला. कमी मजकूर लिहून त्याला जास्त प्रभावी करण्यासाठी इमोजी वापरले जातात. आता इमोजी हा डिजिटल संवादाचा एक महत्त्वाचा भाग आहे. नवी पिढी ज्यांना जेनझी म्हणून संबोधले जाते, ती पिढी तर इमोजी वापरल्याशिवाय संवाद साधतच नाही. वेळेनुसार अनेक इमोजींचे अर्थही बदलत गेले. जसे की रडण्याचा इमोजी हसण्यासाठी वापरला जाऊ लागला. इमोजीचा व्यवस्थित वापर करता येणे हे एक कौशल्यच आहे, असे म्हणायला काही हरकत नाही. चुकीचा इमोजी पाठवल्यास चुकीच्या भावना समोरच्यापर्यंत जाऊ शकतात. इमोजींचा वापर कमी होणे आता शक्य नाही. मात्र एकेका इमोजीच्या संज्ञेत बदल सातत्याने होत राहतो. ते जाणून घेण्यासाठी ही तरुणपिढी कायम अप टू डेट असते. बटणांचे साधे मोबाइल वापरलेली पिढी मात्र इमोजी वापरताना फार भयंकर आणि मजेशीर चुका करताना आपल्याला दिसते. भावनाच नाही तर हवामान, अन्न, खेळ, वाहतूक अशा इतरही अनेक गोष्टींचे प्रतिक असलेले अनेक इमोजी आहेत. मर्यादित मजकूरात जास्त माहिती लिहिण्यासाठी इमोजीची मदत होते. या इमोजींमध्ये सातत्याने भर पडते. ते ही मोठ्या प्रमाणावर वापरले जातात. एकही शब्द न वापरता इमोजीद्वारे संवाद अनेक जण साधतात. सांकेतिक भाषेचा हा भाग नाही, मात्र संवादाची वेगळी भाषा डिजिटल जगात तयार झाली आहे हे मात्र नक्की.

लाईव्ह न्यूज :

नगरपरिषदांवर महायुतीचा झेंडा

आता 'मिशन महापालिका'

CM फडणवीसांची 'आकडेमोड'

ठाकरेंचं ठरलंय, मविआचं बिघडलंय

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

फेसबुकFOLLOW

Read more

महाराष्ट्र : सरकारी कर्मचाऱ्यांसाठी सोशल मीडिया वापराबाबत नवे नियम; उल्लंघन केल्यास नोकरी गमवाल!

मुंबई : Reels Addiction: मोबाइलवर सतत रिल्स पाहणे हेदेखील व्यसनच; स्क्रीन टाईम वाढल्याने मेंदू विकासावर गंभीर परिणाम

राष्ट्रीय : ऑटो ट्रान्सलेशनमुळे गोंधळ!; ‘मेटा’च्या अनुवाद तंत्राने मुख्यमंत्री सिद्धरामय्यांनाच ठरवले ‘मृत’

सखी : World Emoji Day : चॅट करताना कळतील ना तुला माझ्या इमोजीखुणा?-शब्दांपेक्षा इमोजीच्या प्रेमात जेन झीची भाषा

व्यापार : मार्क झुकरबर्गविरोधात खटला सुरू; ८ अब्ज डॉलर्सचं आहे प्रकरण, काय आहे कारण?

तंत्रज्ञान : 1 कोटी Facebook अकाउंट्स ब्लॉक, Meta ने का केली इतकी मोठी कारवाई?

तंत्रज्ञान : त्रपित बन्सलला 800, तर या व्यक्तीला Meta मध्ये 1670 कोटी रुपये पगार; नेमकं काय काय?

महाराष्ट्र : एक स्पष्ट आदेश... पक्षातील कोणीही...; मराठीचा मुद्दा गाजत असतानाच राज ठाकरेंची फेसबूक पोस्ट

भक्ती : Vat Purnima 2025 Wishes: वटपौर्णिमेच्या हार्दिक शुभेच्छा! जोडीदाराला पाठवा आणि स्टेटसला ठेवा 'हे' प्रेमळ संदेश

भक्ती : Ashadhi Ekadashi 2025 Wishes: आषाढी एकादशीच्या मराठी शुभेच्छा, Messages आणि भक्तिपूर्ण Greetings पाठवा आपल्या प्रियजनांना!