भिवंडी : शांतीनगर पोलीस ठाण्याच्या हद्दीत आठ माेटारसायकल आणि जबरी चाेरीप्रकरणी तिघांच्या मुसक्या आवळण्यात आल्या आहेत. फैजान माेहंमद इस्लाम अन्सारी (वय १९, रा. खंडूपाडा), कामीनअली अमजदअली बेग (२०, रा. खान कम्पाउंड) आणि फैसल फिरोज अहमद अन्सारी (वय २१) अशी त्यांची नावे आहेत. फैजान आणि कामीनअली यांच्याकडून सात गुन्ह्यांची उकल झाली आहे. तर फैसल याच्याकडून दाेन जबरी चाेरीचे, तर एका माेटारसायकल चाेरीच्या गुन्ह्याची उकल झाली आहे.
तपास पथकाचे पाेलीस उपनिरीक्षक रवींद्र पाटील आणि अंमलदारांना मिळालेल्या माहितीवरून या तिघांना अटक करण्यात आली. शांतीनगर पोलीस ठाण्याचे वरिष्ठ पोलीस निरीक्षक शीतल राऊत, पोलीस निरीक्षक (प्रशा) किरणकुमार काबाडी, पोलीस निरीक्षक (गुन्हे) नितीन पाटील, पोलीस निरीक्षक विक्रम मोहिते, उपनिरीक्षक रवींद्र पाटील, सहायक पाेलीस उपनिरीक्षक भोलासी शेळके, पोलीस हवालदार रवींद्र चौधरी, पाेलीस नाईक तुषार वडे आदींनी या कारवाईत सहभाग घेतला. आठ गुन्ह्यांपैकी सहा शांतीनगर पाेलीस ठाणे हद्दीतील, तर दाेन ठाण्यातील गुन्हे आहेत. तर दाेन माेबाइल चाेरीचे गुन्हे उघड झाले आहेत. त्यांच्याकडून एकूण तीन लाख ६३ हजारांचा मुद्देमाल हस्तगत करण्यात आला आहे.