उल्हासनगर : बौद्ध धर्मगुरू डॉ.ऐन महाथेरो यांच्या ७४ व्या जन्मदिनाचे औचित्य साधून आमदार बालाजी किणीकर यांनी त्यांना कारची भेट दिली. श्रीलंकेतून आलेले डॉ.ऐन आनंद महाथेरो यांनी धर्म व शिक्षणाच्या प्रचाराला वाहून घेतले असून ते प्रसिद्ध तक्षशिला महाविद्यालय संस्थेच्या अध्यक्षपदी आहेत.
डॉ. एन. आनंद महाथेरो यांचा ७४ वा वाढदिवस शनिवारी साध्या पद्धतीने शहरात साजरा झाला. तथागतांनी दाखवलेल्या मानवतेच्या वाटेवर चालण्यासाठी तसेच वाढत्या वयामुळे प्रवास करताना त्यांना कुठेही अडचण येऊ नये, म्हणून आपण ही भेट दिल्याची प्रतिक्रिया आमदार किणीकर यांनी दिली. यावेळी श्रीलंकेचे राजदूत वॉलस्न वथुडी, शिवसेना विभाग प्रमुख राजेश माने, अनिल मराठे, सुनिल कारेकर, राजू शिंदे, संदीप डोंगरे यांच्यासह स्थानिक उपस्थित होते. श्रीलंका देशाने डॉ.महाथेरो यांना सर्वोत्तम पुरस्काराने सन्मानित केले असून भारत सरकारने काही वर्षांपूर्वी त्यांना देशाचे नागरित्व दिले आहे.