---------------------------------
कार चोरीला
कल्याण : पश्चिमेतील रामबाग येथील पुरंदरे कॉलनी परिसरातील यशोदा अपार्टमेंटमध्ये राहणारे तेजस साळुंखे यांनी त्यांची कार ते राहत असलेल्या परिसरात पार्क केली होती. तेथून ती चोरीला गेल्याची घटना मंगळवारी मध्यरात्री घडली. या प्रकरणी महात्मा फुले चौक पोलिसात दाखल झालेल्या तक्रारीवरून गुन्हा नोंद झाला आहे.
---------------------------------
चोरट्यांकडून रिक्षा लक्ष्य
कल्याण : राकेश भोईर यांनी त्यांची रिक्षा सूचकनाका परिसरात पार्क केली होती. तेथून ती चोरीला गेल्याची घटना रविवारी मध्यरात्री घडली. त्याच ठिकाणी मनोज वाघमारे यांचीही रिक्षा पार्क होती. परंतु, त्या रिक्षाची बॅटरी चोरीला गेल्याचा प्रकार घडला आहे. या दोन्ही घटनांप्रकरणी कोळसेवाडी पोलीस ठाण्यात गुन्हा नोंद झाला आहे.
-------------
सोन्याचे दागिने लंपास
डोंबिवली : पूर्वेतील शेलार चौक परिसरात राहणारी शोभा निकाळजे ही तरुणी आईसमवेत बुधवारी सकाळी १०.४५ च्या दरम्यान त्रिवेणी ज्वेलर्समधून ९६ हजारांचे सोन्याचे दागिने घेऊन घरी परतत होती. त्यापूर्वी चिमणी गल्लीत त्या दोघी भाजी खरेदी करीत असताना शोभा यांच्या हातातील सोन्याचे दागिने असलेली प्लास्टीक पिशवी चोरट्याने दोघींच्या नकळत लंपास केली. या प्रकरणी रामनगर पोलीस ठाण्यात गुन्हा नोंद झाला आहे.
-------------------
दुचाकी चोरीला
डोंबिवली : पूर्वेतील कल्याण-शीळ रोडवरील माणगाव येथील विष्णू व्हॅली येथे राहणारे संतोष तांबे यांनी त्यांची दुचाकी कस्तुरी प्लाझा समोर पार्क केली होती. तेथून ती चोरीला गेल्याची घटना मंगळवारी सकाळी ७.३० ते ८.३० च्या दरम्यान घडली. या प्रकरणी रामनगर पोलीस ठाण्यात गुन्हा दाखल झाला आहे.
-------------------