गेल्या काही दिवसांत Nokia खूप सक्रिय झाल्याचे दिसत आहे. कंपनीने अलीकडेच भारतात Nokia G20 स्मार्टफोन लाँच केला होता. येत्या 27 जुलैला देखील कंपनी नवीन स्मार्टफोन लाँच करणार आहे, याची माहिती कंपनीने सोशल मीडियावरून दिली आहे. पोस्टरवरून हा स्मार्टफोन रगेड श्रेणीत लाँच केला जाऊ शकतो. आता बातमी आली आहे कि, HMD Global जी सीरीज अंतगर्त अजून एक नवीन मोबाईल फोन आणण्याची तयारी करत आहे, हा फोन Nokia G50 नावाने लाँच केला जाऊ शकतो.
Nokia G50 स्मार्टफोन लाँचपूर्वी यूकेच्या रिटेलर वेबसाइटवर लिस्ट करण्यात आला आहे. या लिस्टिंगची माहिती नोकिया पावर युजर वेबसाइटच्या माध्यमातून मिळाली आहे. यूके रिटेलरच्या वेबसाईटवर नोकिया जी50 चा स्लॉट पेज बनवण्यात आला आहे. या पेजवर फोनचा कोणताही फोटो किंवा स्पेसिफिकेशन्स उपलब्ध झाले नाहीत, परंतु प्रोडक्ट पेज स्लॉट बुक झाल्यामुळे या फोनचे नाव Nokia G50 असल्याचे समजले आहे. लिस्टिंगनुसार Nokia G50 Blue dummy unit चा EAN नंबर 5056489733217 तसेच MPN नंबर F16BYA1022003/DUM आहे.
Nokia G50 ची किंमत
LambdaTek या वेबसाइटवर आगामी Nokia G50 5G स्मार्टफोन टॅक्ससह 217.52 GBP (सुमारे 22,100 रुपये) मध्ये लिस्ट करण्यात आला आहे. दुसरीकडे MoreComputers ने आपल्या वेबसाइटवर नोकियाचा हा स्मार्टफोन 207.56 GBP (सुमारे 21,100 रुपये) मध्ये लिस्ट केला आहे. या दोन्ही वेबसाइटवर Nokia G50 स्मार्टफोनचा 4GB रॅम + 64GB मॉडेल सॅण्ड आणि ब्लू रंगात लिस्ट करण्यात आला आहे.