फताटेवाडी येथे जानकादेवी मंदिराजवळ उभ्या असलेल्या पांडुरंग शेंडगे आणि सचिन पडोळकर यांच्या जवळ जाऊन ‘इलेक्शन में तुमने मुझे हराया’ असे म्हणत शाहरुख ताहेर बलोलखान आणि त्यांच्या साथीदारांनी शेंडगे व पडोळकर यांच्यावर लोखंडी रॉडने हल्ला केला. या हल्ल्यात पांडुरंग शेंडगे यांच्या कानाला मोठी दुखापत झाली. सचिन पडोळकर यांनी वळसंग पोलिस ठाण्यात दिली.
याप्रकरणी शाहरुख ताहेर बलोलखान, जहीर शौकत कांबळे, सोहेल बागवान आणि त्याचा भाऊ या चौघाविरोधात वळसंग पोलिसांनी गुन्हा नोंदला आहे. सहाय्यक पोलीस निरीक्षक अतुल भोसले यांच्या मार्गदर्शनाखाली पोलीस सब इन्स्पेक्टर स्वामीराव पाटील अधिक तपास करीत आहेत.
----
पूर्वीपासून वाद
यातील सचिन पडोळकर आणि शाहरुख बलोलखान यांच्यात पूर्वीपासून वाद आहे. परस्परांना मारहाण केल्याचा गुन्हा वळसंग पोलिस ठाण्यात नोंद आहे. त्यात आठ महिन्यापूर्वी झालेल्या होटगी स्टेशन ग्रामपंचायत निवडणुकीत शाहरुख बलोलखान यांचा पराभव झाला आहे. तेव्हापासून पांडुरंग शेंडगे, सचिन पडोळकर आणि शाहरुख बलोलखान यांच्यात खटके उडत होते.