टाकळी सिकंदर ग्रामपंचायत निवडणुकीत मतदारांनी त्रिशंकू निकाल दिला होता. राष्ट्रवादीचे माऊली चव्हाण यांच्या पॅनलला १५ पैकी ७ जागा मिळाल्या. काँग्रेसचे भीमराव वसेकर यांच्या परिवर्तन पॅनलला ६ तर भाजपचे तालुकाध्यक्ष सुनील चव्हाण यांच्या नेतृत्वाखालील विद्यमान सत्ताधारी गटाला दोन जागा मिळाल्या. सरपंच निवडीच्या प्रक्रियेत इच्छुक वाढल्याने मार्ग निघाला नसल्याने हिना तांबोळी या महिला सदस्य फुटून माऊली चव्हाण यांच्या पॅनलला मिळाल्या. त्यांना उपसरपंच करण्यात आले. त्यामुळे सरपंच निवडीत तुकाराम चव्हाण यांना ८ तर विरोधातील स्वाती सिद्धेश्वर अनुसे यांना ७ मते मिळाली. उपसरपंच निवडीत हिना तांबोळी यांना आठ तर विरोधातील वच्छला भाऊ सोनटक्के यांना सात मते मिळाली. निवडणूक निर्णय अधिकारी म्हणून विस्तार अधिकारी कुंडलिक गावडे यांनी तर सहायक म्हणून ग्रामविकास अधिकारी
शशीभूषण महामुनी व तलाठी सिद्धाराम कोळी यांनी काम पाहिले. यावेळी शिवाजी चव्हाण, हिंमतराव पाटील व कार्यकर्ते उपस्थित होते .
फोटो
०३टाकळी-तुकाराम चव्हाण सरपंच
०३टाकळी- हिना तांबोळी उपसरपंच