वाघोली : अकलूज, पुणे शहर आणि हडपसर परिसरातून दुचाकी चोरणाऱ्यास अकलूज पोलिसांनी अटक केली आहे. त्यांच्याकडून दहा मोटारसायकली जप्त केल्या आहेत.
महाळूंग परिसरात गट नं. २ येथील नवनाथ बलभीम नाईकनवरे हा चोरीच्या दुचाकी विक्री करत असल्याची माहिती पोलीस निरीक्षक भगवान निंबाळकर यांना मिळाली होती. माळीनगर पोलीस चौकीचे अंमलदार पोलीस हवालदार जमीर शेख, अभिजीत कुंभार, ज्ञानेश्वर सरडे, पोलीस नायक शिवाजी जाधव यांचे एक पथक नेमून सापळा लावला. उपविभागीय अधिकारी निरज राजगुरू यांच्या मार्गदर्शनाखाली या पथकाने नवनाथ नाईकनवरे यास ताब्यात घेतले. त्याला पोलिसी खाक्या दाखवताच पुणे शहर, हडपसर व अकलूज परिसरात चोरलेल्या दहा दुचाकी त्याच्याकडून जप्त केल्या. अधिक तपास हवालदार ज्ञानेश्वर सरडे करत आहेत.
----
३१ अकलूज राॅबरी
महाळूंग परिसरात दुचाकीसह चोरट्याला ताब्यात घेताना पोलीस निरीक्षक भगवान निंबाळकर आणि पथक.