माळशिरस : पंचायत समितीच्या माध्यमातून जिल्ह्यातील सर्वाधिक तीन हजार १७९ घरकुलांचा टप्पा पूर्ण झाला आहे. या कामाची दखल घेत गटविकास अधिकारी स्मिता पाटील यांचा पालकमंत्री दत्तात्रय भरणे यांच्या हस्ते विशेष सन्मानपत्र देऊन गौरव करण्यात आला.
गेल्या काही वर्षात माजी उपमुख्यमंत्री विजयसिंह मोहिते-पाटील, रणजितसिंह मोहिते-पाटील, अर्जुनसिंह मोहिते-पाटील यांच्या मार्गदर्शनाखाली प्रधानमंत्री घरकुल आवास योजनेच्या माध्यमातून मोठा टप्प्याची पूर्तता करण्यात आली. याची दखल घेत गटविकास अधिकारी यांचा सन्मान करण्यात आला. यावेळी सभापती शोभा साठे उपस्थित होत्या.
या सत्काराला उत्तर देताना स्मिता पाटील म्हणाल्या, घरकुल उद्दिष्टपूर्तीच्या बाबतीत पंचायत समितीच्या पदाधिकाऱ्यांबरोबरच अधिकाऱ्यांचा मोठा वाटा आहे. गावपातळीवर ग्रामसेवक, सरपंचासह प्रत्येक घटकांच्या सहकार्यामुळे पंचायत समितीला सर्वाधिक घरकुले पूर्ण करण्यात यश आले.
---
फोटो : १२ माळशिरस
उत्कृष्ट कामाबद्दल पंचायत समितीच्या गटविकास अधिकारी स्मिता पाटील यांचा पालकमंत्री दत्तात्रय भरणे यांच्या हस्ते सन्मान करण्यात आला.