श्री सदगुरू सीताराम महाराज साखर कारखान्याच्या वतीने प्रणव परिचारक यांच्या हस्ते श्री गणेश मूर्तीचे पूजन करण्यात आले. यावेळी कारखान्याचे व धनश्री परिवाराचे शिवाजीराव काळुंगे यांच्या उपस्थितीत पूजन पार पडले.
प्रणव परिचारक बोलताना म्हणाले की, कारखान्याच्या आसपासच्या गावातील शेतकरी, वाहतूकदार, कर्मचारी यांना जोपासण्याचे काम शिवाजीराव काळुंगे व धनश्री परिवारांनी घेतलेले आहे. यापुढे कोणतीही समस्या उद्भवणार नाही.
यावेळी कामगार गणेश मंडळाच्या वतीने १७ सप्टेंबर रोजी हभप जयवंतराव बोधले महाराज यांच्या हस्ते सायंकाळी ५ वाजता प्रवचन आहे, त्याचा लाभ घेण्याचे आवाहन करण्यात आले.
या प्रसंगी कारखान्याचे जनरल मॅनेजर हणमंतराव पाटील, चिफ इंजिनिअर लवटे, शेती अधिकारी पी.जी. शिंदे, केनयार्ड सुपरवायझर जी. जी. शिंदे, इलेक्ट्रिक इंजिनिअर कदम, ईडीपी-तुकाराम शिंदे व सर्व कामगार बंधू उपस्थित होते.
----