दुपारी दीड वाजता दक्षिण सोलापूर तालुक्यातील ८३ ग्रामपंचायतींच्या सरपंचपदासाठी शिवछत्रपती रंगभवन येथे आरक्षणाची सोडत काढण्यात आली.
नुकत्याच निवडणुका पार पडलेल्या ५२ ग्रामपंचायतींचे कार्यकर्ते यावेळी उपस्थित होते. तहसीलदार अमोल कुंभार यांच्या मार्गदर्शनाखाली हिपळे येथील संध्या कांबळे या शाळकरी मुलीच्या हस्ते विविध प्रवर्गांतील स्त्रीसाठी चिठ्ठ्या काढण्यात आल्या. परिविक्षाधीन तहसीलदार सचिन मुळीक, नायब तहसीलदार शुभांगी जाधव यांनी सहकार्य केले.
------
हुल्लडबाजीमुळे पोलिसांना पाचारण
शिवछत्रपती रंगभवनमध्ये दुपारी दीड वाजता आरक्षण सोडत काढण्याचा कार्यक्रम सुरू झाला. सोडत जाहीर होताना काही तरुणांनी हुल्लडबाजी सुरू केली. तहसीलदार कुंभार यांनी त्यांना समजावण्याचा प्रयत्न केला. काहीजणांनी तर आरक्षणाला हरकती घेत तहसीलदारांसोबत वाद घातला. त्यामुळे पोलिसांना पाचारण करावे लागले.
--------
अनुसूचित जाती (एससी) - दर्गनहळळी, कर्देहळळी, तिल्लेहाळ, राजूर, आलेगाव, उळेवाडी.
अनुसूचित जाती (स्त्री) : तीर्थ, कुंभारी, होटगी -सावतखेड, संगदरी, मद्रे, बोरूळ.
अनुसूचित जमाती (एसटी) : शिंगडगाव, वडापूर.
अनुसूचित जमाती (स्त्री) : वांगी, टाकळी.
नामाप्र (ओबीसी) : बोळकवठे, तोगराळी - गुरदेहळ्ळी, फताटेवाडी, निम्बर्गी, दोड्डी, आहेरवाडी, शिरवळ (जै.), पिंजारवाडी, चिंचपूर, होनमुर्गी - बिरनाळ, वडगाव - शिरपन हळ्ळी, कारकल.
नामाप्र (स्त्री) : मंद्रुप, उळे, कुसुर - खानापूर, तांदुळवाडी, वरळेगाव, लिंबीचिंचोळी, कुरघोट, मुळेगाव, हिपळे, अंत्रोळी, आचेगाव.
सर्वसाधारण : औराद, रामपूर, कासेगाव, औज (म.), गंगेवाडी, बक्षिहिप्परगे, होटगी स्टेशन, मुळेगाव तांडा, शंकरनगर, बसवनगर, येळेगाव, भंडारकवठे, मुस्ती, इंगळगी, वळसंग, बंकलगी, लवंगी, कणबस, हत्तरसंग, बाळगी, विंचुर, नांदणी.
सर्वसाधारण (स्त्री) : दिंडूर, मनगोळी, वडजी, गावडेवाडी, कुडल, हत्तुर- चंद्रहाळ, सिंदखेड, यत्नाळ, तेलगाव (म.) , घोडा तांडा, वडकबाळ, गुंजेगाव, कंदलगाव, धोत्री, हणमगाव, संजवाड, सादेपूर, अकोले (म.), बोरामणी, माळकवठे, बरूर, औज (आ.).