चंद्रदर्शन झाले; आज ईद

पाच ठिकाणी नमाज : वाहतूक मार्गात बदल ; एसआरपीची तुकडी तैनात

सोलापूर : सर्वांची उत्सुकता लागून राहिलेल्या चंद्राचे दर्शन सोमवारी रात्री ८ नंतर झाले आणि सर्वांनी ईद साजरी करावी, असे जाहीर आवाहन रुयते हिलाल कमिटीचे अध्यक्ष अ‍ॅड़ मुफ्ती सय्यद अमजदअली काझी(शहर काझी) यांनी केले़ शहरातील पाचही ठिकाणी दोन दिवसांपासून सार्वजनिक नमाज पठणापूर्वची तयारी झाली़ प्रतिवर्षाप्रमाणे यंदाही शहर काझी आणि मौलवी यांनी रात्री चंद्रदर्शन होते की नाही? याचा अंदाज बांधत राहिले़ अखेर सोमवारी रात्री ८ नंतर अवकाशात चंद्रदर्शन झाले़ त्यानंतर ‘रुयते हिलाल कमिटी’चे अध्यक्ष अ‍ॅड़ काझी यांनी जामा मस्जिदमध्ये सर्व मस्जिदप्रमुखांची बैठक बोलावली़ या बैठकीत चंद्रदर्शन झाल्याचे जाहीर करुन मंगळवारी (२९ जुलै) ईद साजरी करण्याबाबत आवाहन केले़ तसेच शहरातील पाचही ठिकाणच्या सार्वजनिक नमाज पठणाच्या वेळा जाहीर केल्या गेल्या़ दरम्यान रमजान ईदनिमित्त शहर आणि परिसरात पोलिसांचा कडेकोट बंदोबस्त लावण्यात आला असून, पाच ठिकाणचे नमाज पठण शांततेत पार पाडण्यासाठी पोलिसांनी बंदोबस्ताची वेगळी आखणी केल्याचे विशेष शाखेचे सहायक पोलीस आयुक्त अनिल पाटील यांनी सांगितले.होटगी रोडवरील ईदगाह, रंगभवन चौक, पानगल प्रशाला, किल्ला बागेजवळील आसार मैदान आणि जुनी मिल कंपौंड परिसरात नमाज पठाण होणार आहे. नमाज पठण आणि इतर भागांचा विचार करता शहरात पोलीस आयुक्त प्रदीप रासकर यांच्या मार्गदर्शनाखाली पोलीस उपायुक्त सुभाष बुरसे, पी. आर. पाटील आणि अश्विनी सानप हे तिघे बंदोबस्तावर लक्ष ठेवून राहणार आहेत. बंदोबस्तासाठी २५ पोलीस निरीक्षक, ६७ सहायक पोलीस निरीक्षक, फौजदार, ८०० पोलीस कर्मचारी, ४२ महिला पोलीस कर्मचारी, २०० महिला आणि पुरुष होमगार्ड आणि राज्य राखीव पोलीस दलाची (एसआरपी) एक तुकडी तैनात करण्यात आली आहे. होटगी रोडवरील नमाज पठणचा बंदोबस्त पोलीस उपायुक्त सुभाष बुरसे यांच्या मार्गदर्शनाखाली २ सहायक पोलीस आयुक्त, ३ पोलीस निरीक्षक, ५ पीएसआय/एपीआय, ९० कर्मचारी, ४० होमगार्ड आणि १० वाहतूक शाखेचे पोलीस पार पाडणार आहेत.----------------------------इतर पथकेही सज्जरमजान ईद शांततेत पार पाडण्याबरोबर शहरातील कायदा आणि सुव्यवस्था अबाधित राहण्यासाठी इतर पथकांवरही मोठी जबाबदारी देण्यात आली आहे. संवेदन आणि अतिसंवेदनशील असणाऱ्या २५ ठिकाणी फिक्स पॉइंट लावण्यात आले आहेत. घातपातविरोधी पथकही सज्ज ठेवण्यात आले आहेत. साध्या वेशातील पोलीस संशयितांवर करडी नजर ठेवणार आहेत.