किणी येथील जुगारावर छापा, चौघांना अटक

किणी शिवारात आप्पाराव कोटमाळे यांच्या शेतातील चिंचेच्या झाडाखाली काही लोक एकत्रित बसून मन्ना नावाचा जुगार खेळत असल्याची खबर पोलिसांना मिळाली. त्यावरून त्या ठिकाणी धाड टाकला असता अशोक संदीपान देडे (४८), बुक्की मालक हरीदास आप्पाराव कोटमाळे (४७) दोघे रा. किणी, महादेव रेवणसिध्द उजने (२८) रा.फुलवाडी ता.तुळजापुर जि.उस्मानाबाद, अर्जुन सिध्दप्पा जळकोटे ४३ वर्षे रा. हन्नूर ता अक्कलकोट यांना ताब्यात घेतले. तसेच एक लाख तीन हजार रुपयांच्या दोन मोटारसायकल, तीन मोबाईल, जुगार साहित्य असा मुद्देमाल जप्त केला आहे. ही कारवाई पोलीस संदीप सोमवंशी, गोपाळ बुक्कानुरे, कन्हैया डोळे व लक्ष्मीकांत देड यांनी कारवाई केली. याबाबतची फिर्याद पोलीस नाईक दीपक शिंदे यांनी दिली.