अक्कलकोट : सातारा जिल्ह्याच्या वाटेगाव येथील संत श्री बाळूमामा मंदिराच्या वतीने स. स. महेश सरस्वती महाराज यांच्या वाटेगाव ते अक्कलकोटपर्यंत पायी दंडवत पालखी सोहळा उपक्रम आयोजित केला होता. त्याची सांगता सोमवारी श्री वटवृक्ष स्वामी महाराज मंदिरात झाली.
यावेळी वटवृक्ष मंदिरातील श्री स्वामी महाराजांच्या चरणी पालखीची पूजा व आरती करण्यात आली. यावेळी अखिल भारतीय वारकरी मंडळाचे राष्ट्रीय अध्यक्ष ह.भ.प. प्रकाश महाराज बोधले, अ.भा. वारकरी मंडळाचे तीर्थविकास प्रमुख सरस्वती महाराज, सोलापूर जिल्हा अध्यक्ष ह.भ.प. डाॅ. किरण महाराज बोधले, ह.भ.प. परमेश्वर महाराज बोधले यांची प्रमुख उपस्थिती होती. याप्रसंगी वटवृक्ष मंदिर समितीच्या वतीने समितीचे चेअरमन महेश इंगळे यांनी सर्वांचा स्वामी समर्थांचे कृपावस्र, प्रसाद, प्रतिमा देऊन सन्मान केला.
यावेळी अ.भा. वारकरी मंडळाचे राष्ट्रीय अध्यक्ष ह.भ.प. प्रकाश महाराज बोधले यांनी मनोगतातून श्री स्वामी समर्थांचे दर्शन घेऊन धन्य झालो असल्याचे स्पष्ट केले. यावेळी वटवृक्ष मंदिर समितीचे सचिव आत्माराम घाटगे, विश्वस्त महेश गोगी, श्रीशैल गवंडी, संजय पवार, ओंकार पाटे, गणपत भोईर, दत्ताराम लाड, संजय लघाटे, गिरीश पवार, विपूल जाधव, स्वामीनाथ लोणारी, महादेव तेली, संतोष जमगे इत्यादी उपस्थित होते.
फोटो ओळ - २५अक्कलकोट-बाळूमामा पालखी
वटवृक्ष मंदिरात स. स. महेश सरस्वती महाराज, बोधले महाराजांचा सन्मान करताना महेश इंगळे यांच्यासह मान्यवर.