अक्कलकोट : सातनदुधनी येथे ग्रामपंचायतीच्या चौदाव्या वित्त आयोगातून मंजूर झालेल्या सुमारे ३ लाख रुपये निधीतून व्यायामशाळेचे भूमिपूजन सी. बी. खेडगी महाविद्यालयातील अर्थशास्त्र विभाग प्रमुख डॉ. गणपतराव कलशेट्टी यांच्या हस्ते झाले.
अध्यक्षस्थानी सरपंच विठ्ठलराव खताळ होते. डॉ. कलशेट्टी म्हणाले, नागरिकांचे, युवा पिढीचे आरोग्य चांगले असावे. सदृढ असावे. त्यासाठी तालुका, गाव पातळीवर क्रीडांगणे, व्यायामशाळांचा विकास करणे गरजेचे आहे.
कार्यक्रमास ग्रामपंचायत सदस्य भीमाशंकर करजगी, दुधनी कृषी उत्पन्न बाजार समिती सदस्य भीमराया अरबाळे, माजी सरपंच गिरमल काळे, माजी उपसरपंच राजेश पांढरे, तुकाराम कोरे, प्रमोद शिंदे, इब्राहीम सुतार, अर्जुन जानकर, सागर कोळी, गुंडू कोळी, विरुपाक्ष कुंभार उपस्थित होते.
---
फोटो - २२ सातनदुधनी
सातनदुधनी येथे व्यायामशाळेचे भूमिपूजन करताना डॉ. गणपतराव कलशेट्टी. यावेळी सरपंच विठ्ठलराव खताळ आणि व ग्रामपंचायत सदस्य.