यामध्ये ७२ ग्रामपंचायतींच्या सध्या निवडणुका झाल्या आहेत, तर पुढच्या टप्प्यात निवडणुका होणाऱ्या २१ ग्रामपंचायतींचे आरक्षण जाहीर करण्यात आले. या आरक्षणाबाबत रोपळे, नारायण चिंचोली येथे पराभूत झालेल्या पॅनलच्या उमेदवारांना सरपंचपदाची संधी मिळाल्याने विजयी पॅनलची निराशा होणार आहे. यामध्ये सर्वसाधारण पुरुष बाभूळगाव, भाळवणी, भोसे, बिटरगाव, चिलाईवाडी, धोंडेवाडी, करोळे, खेडभाळवणी, मुंढेवाडी, सांगवी-बादलकोट, सुगाव भोसे, विटे, वाडीकुरोली, कान्हापुरी, गुरसाळे-वेणूनगर, वाखरी, टाकळी, अनवली, फुलचिंचोली, पुळूज, नांदोरे, तावशी, मगरवाडी आदी २३ ग्रामपंचायतींचा समावेश आहे, तर सर्वसाधारण महिलांसाठी देवडे, एकलासपूर, रांझणी, सरकोली, शेळवे, शेटफळ, सिद्धेवाडी-तरटगाव, उंबरे, जळोली, पेहे, सुगाव खुर्द, कौठाळी, देगाव, कासेगाव, खर्डी, आंबे, ओझेवाडी, पटवर्धन कुरोली, उजनी वसाहत, पिराची कुरोली, शंकरगाव-नळी, तुंगत, नेमतवाडी आदी २३ गावांचा समावेश आहे.
ओबीसी पुरुष : लोणारवाडी, शिरगाव, आढीव, चिंचोली भोसे, पोहोरगाव, खरातवाडी, ईश्वरवठार, गोपाळपूर, कोर्टी, बोहाळी, उपरी, जाधववाडी, व्होळे. ओबीसी महिला : जैनवाडी, केसकरवाडी, खेडभोसे, शेंडगेवाडी, गार्डी, करकंब, पुळूजवाडी, अजोती, पांढरेवाडी, तनाळी, टाकळी-गुरसाळे, सुपली.
अनुसूचित जाती पुरुष : खरसोळी, पळशी, भटुंबरे, चळे, मेंढापूर, आंबे-चिंचोली, सोनके, बार्डी, गादेगाव, भंडीशेगाव.
अनुसूचित जाती महिला : आव्हे-तरटगाव, उंबरगाव, नेपतगाव, शिरढोण, शेवते, सुस्ते, कोंढारकी, तिसंगी, नारायण चिंचोली, अजनसोंड.
अनुसूचित जमाती पुरुष : तारापूर अनुसूचित जाती महिला : रोपळे, शेगाव दुमाला आदी गावांचा समावेश आहे. यामध्ये ७२ ग्रामपंचायतींच्या प्रत्यक्षात निवडणुका पार पडल्या आहेत, तर दुसऱ्या टप्प्यात होणाऱ्या २१ ग्रामपंचायतींची आरक्षण सोडतही जाहीर करण्यात आल्याने त्या गावात निवडणुकांसंदर्भात मोर्चेबांधणीला सुरुवात झाली आहे.
उमेदवारांचा घोडेबाजार रंगणार
मागील १५ दिवसांपूर्वी पंढरपूर तालुक्यातील ७१ ग्रामपंचायतींच्या निवडणुकीसाठी जोरदार लढती झाल्या होत्या. यामध्ये स्थानिक आघाड्यांनी बाजी मारत दोन, तीन जागांच्या फरकाने पॅनल निवडून आणले आहेत. यामध्ये रोपळे, नारायण चिंचोलीचाही समावेश होता. रोपळे येथे २५ वर्षांनंतर विरोधी गटाचे पॅनल निवडून आले. मात्र, सरपंचपदाची जागा आरक्षणानुसार विजयी पॅनलकडे नाही, तर नारायण चिंचोलीतही पॅनल पराभूत होऊनही त्याच पॅनलच्या उमेदवाराला आरक्षणानुसार सरपंचपदाची संधी मिळणार आहे. त्यामुळे नशिबाने साथ दिली, तर पॅनल निवडूनही त्यांची निराशा झाल्याचे चित्र आहे. याशिवाय अनेक गावांत दोन्ही पॅनलमध्ये १-२ जागांचा फरक असल्याने येणाऱ्या काळात विजयी उमेदवारांचा घोडेबाजार होणार असल्याचे नक्की आहे. म्हणून काहीजणांनी आपले उमेदवार आजच देवदर्शन, सहलीसाठी पाठविले आहेत. येणाऱ्या काही दिवसांत या घडामोडी आणखी वेगवान होणार असल्याचे चित्र आहे.