कºहाड उत्तर मतदारसंघातील विरवडे येथील ग्रामस्थांनी गावच्या सर्वांगीण विकासासाठी एकत्र येऊन मंत्री बाळासाहेब पाटील यांच्या मार्गदर्शनाखाली निवडणूक बिनविरोध करण्याचा निर्णय घेतला. त्यानुसार दाखल केलेल्या सर्व अर्जाच्या जागांवर ग्रामस्थांच्या एकमताने दीपक जाधव, प्रफुल्ल वीर, सागर हाके, शैलेश कोल्हटकर, रत्नमाला धोकटे, जयश्री शिंदे, सुमन धोकटे, बेबीताई कुंभार, अर्चना मदने, वैशाली गोतपागर व तम्मना मुजावर यांची बिनविरोध निवड करून एक वेगळा आदर्श निर्माण केला.
बिनविरोध झालेल्या सर्व नवनिर्वाचित सदस्य व ग्रामस्थांनी मंत्री बाळासाहेब पाटील यांच्या कऱ्हाड येथील संपर्क कार्यालयास सदिच्छा भेट दिली. यावेळी नवनिर्वाचित सदस्यांचा सत्कार करण्यात आला. यावेळी सह्याद्री सहकारी साखर कारखान्याचे संचालक रामदास पवार, गोपाळराव धोकटे, बाबूराव धोकटे, चंद्रकांत मदने, महेश सुतार, अधिक सुर्वे, दिगंबर डांगे, मनोज डांगे व ग्रामस्थ उपस्थित होते.
फोटो : ०३केआरडी०४
कॅप्शन : विरवडे (ता. कऱ्हाड) येथील बिनविरोध निवडून आलेल्या सदस्यांचा सत्कार मंत्री बाळासाहेब पाटील यांच्या हस्ते करण्यात आला.