सातारा: येथील प्रतापगंज पेठेतील लाटकर जिममध्ये एकाच्या बॅगेतून २० हजार रुपये किमतीचा मोबाईल चोरून नेणाऱ्या दोन युवकांना अटक करण्यात आली आहे. याप्रकरणी दोघांवरही शाहूपुरी पोलीस ठाण्यात गुन्हा दाखल झाला असून अनुप देवर्षी आणि ओंकार चव्हाण अशी गुन्हा दाखल झालेल्याची नावे आहेत.
याबाबत अधिक माहिती अशी, सचिन संजय माने (वय २२, रा. केसकर कॉलनी, महादरे रोड, दरे खुर्द, सातारा) याने दिलेल्या तक्रारीत म्हटले आहे की, दि. १ फेब्रुवारीमध्ये लाटकर जिममध्ये असताना अनुप अशोक देवर्षी (वय २०, रा. ५0१ पाटी, शनिवार पेठ, सातारा) आणि ओकार प्रताप चव्हाण (वय २३, वर्षे, विमल रेसिडेन्सी, संगमनगर, सातारा) या दोघांनी त्यांच्या बॅगमधील मोबाईल हँडसेट चोरून नेला. याप्रकरणी १५ एप्रिल रोजी गुन्हा दाखल झाल्यानंतर या दोघांनाही शुक्रवारी मध्यरात्री पोलिसांनी अटक केली. अधिक तपास पोलीस हवालदार हिंमत दबडे हे करत आहेत.