साताराः जुन्या भांडणाचा राग मनात धरुन सातारा तालुक्यातील कोडोली येथील एकास मारहाण केल्याप्रकरणी फलटण तालुक्यातील विडणी येथील दोघांवर गुन्हा दाखल झाला आहे. ही घटना सातारा तालुक्यातील उपळी येथील एका आश्रमशाळेसमोर घडली आहे.
याबाबत अस्लम शमशुद्दीन जमादार (वय ५४, रा. निशिगंधा कॉलनी, समर्थनगर, कोडोली, सातारा) यांनी दिलेल्या तक्रारीत म्हटले आहे की, हणमंत निवृत्ती सोनवलकर आणि प्रशांत हणमंत सोनवलकर (रा. विडणी, ता. फलटण) या दोघांनी आपसात संगनमत करत जुन्या भांडणाचा राग मनात धरुन शिवीगाळ करून मारहाण केली. याप्रकरणी अस्लम यांनी सातारा तालुका पोलीस ठाण्यात तक्रार दिल्यानंतर हणमंत आणि प्रशांत या दोघांवर गुन्हा दाखल केला आहे. घटनास्थळी सातारा तालुका पोलीस ठाण्याचे निरीक्षक सजन हंकारे यांनी भेट दिली. याप्रकरणी कोणालाही अटक करण्यात आलेली नव्हती. दोघांवरही प्रतिबंधात्मक कारवाई करण्यात आली असून अधिक तपास पोलीस उपनिरीक्षक मनोहर फरांदे करत आहेत.