सातारा : सातारा शहरातील गुरूवार पेठेत असणाºया कूपर कार्पोरेशन प्रा. लि. कंपनीतून २८५०० रुपये किंमतीच्या साहित्याची चोरी झाली. याप्रकरणी सातारा शहर पोलीस ठाण्यात अज्ञाताच्या विरोधात गुन्हा नोंद झाला आहे.
याबाबत पोलिसांनी दिलेली माहिती अशी की, येथील गुरूवार पेठेत कूपर कार्पोरेशन कंपनी आहे. बुधवारी मध्यरात्रीनंतर या कंपनीत चोरी झाली. अज्ञाताने कंपनीचा पश्चिमेकडील पत्रा उचकटून आत प्रवेश केला. त्यानंतर आतून लोखंडी सिंगल सिलिंडर ५, लोखंडी बॅलेन्सर १, लोखंडी थ्रो मास्टर, लोखंडी व्ही. ब्लॉक २ आदी मिळून २८५०० रुपयांचे साहित्य चोरून नेले.
याप्रकरणी दिलीप माने (वय ५३, रा. मंगळवार पेठ, सातारा) यांनी सातारा शहर पोलीस ठाण्यात तक्रार दिली. पोलिसांनी अज्ञाताविरोधात गुन्हा नोंद केला आहे. हवालदार सणस हे तपास करीत आहेत.
...........................................................