वडूज : येथील जिल्हा परिषद बांधकाम उपविभागातील शाखा अभियंता सुभाष दत्तात्रय खाडे यांना सातारा जिल्हा परिषदेचा आदर्श अभियंता पुरस्कार मिळाला. या पुरस्काराबद्दल त्यांचा शिवम् मित्र मंडळ व तडवळे ग्रामस्थांच्यावतीने सत्कार करण्यात आला.
पालकमंत्री बाळासाहेब पाटील यांच्याहस्ते हा सत्कार करण्यात आला. याप्रसंगी जिल्हा परिषद अध्यक्ष उदय कबुले, उपाध्यक्ष प्रदीप विधाते, शिक्षण सभापती मानसिंगराव जगदाळे, समाजकल्याण सभापती कल्पना खाडे, महिला बालकल्याण सभापती सोनाली पोळ, मुख्य कार्यकारी अधिकारी विनय गौड, कार्यकारी अभियंता प्रशांत खैरमोडे, खटाव खादी ग्रामोद्योगचे चेअरमन परेश जाधव, धनंजय क्षीरसागर, विजय शेटे, धनाजी चव्हाण, विनायक खाडे, भास्कर राऊत, वैभव काळे, संजय मखरे, वनिता खाडे, पूजा मखरे आदींसह शिवम् मित्रमंडळाचे कार्यकर्ते मोठ्या संख्येने उपस्थित होते.
सत्काराला उत्तर देताना सुभाष खाडे म्हणाले, ‘आपण मूळ खटाव तालुक्यातील तडवळे गावचे भूमिपूत्र आहोत. आपली बहुतांशी जडण-घडण वडूज परिसरात झाली. त्यामुळे बांधकाम विभागात काम करताना प्रत्येक काम मनापासून झोकून केले. चांगले काम करताना वरिष्ठ अधिकारी तसेच गावोगावचे पदाधिकारी, ठेकेदार तसेच सहकारी कर्मचाऱ्यांचे चांगले सहकार्य लाभले. जिल्हास्तरीय आदर्श पुरस्कारामुळे समाजासाठी चांगले बळ मिळणार आहे.’