सातारा : ‘सातारा पालिकेची आगामी निवडणूक शिवसेनेसाठी अत्यंत महत्त्वपूर्ण आहे. त्या दृष्टिकोनातून पक्ष पूर्ण ताकदीनिशी कार्यकर्त्यांच्या मागे उभा राहणार असून कार्यकर्त्यांनी त्यांच्या ज्या काही अडचणी असतील त्या पदाधिकारी यांच्याकडे सांगाव्यात. नक्कीच त्या सर्व सोडविल्या जातील,’ असा विश्वास व्यक्त करत शिवसेनेचे उपनेते नितीन बानुगडे पाटील यांनी पालिका निवडणुकीचे रणशिंग फुंकले.
सातारा नगरपालिका आगामी निवडणुकीसंदर्भात सातारा शहर शिवसेना सर्व आजी माजी पदाधिकारी यांची महत्त्वपूर्ण बैठक दैवज्ञ भवन मंगल कार्यालय सातारा येथे पार पडली. पक्षप्रमुख उद्धव ठाकरे यांच्या आदेशानुसार व संपर्क नेते दिवाकर रावते व नगरविकास मंत्री एकनाथ शिंदे यांच्या सूचनेनुसार आजची ही बैठक आयोजित करण्यात आल्याचेही पाटील यांनी स्पष्ट केले.
प्रत्येक शिवसैनिक व पदाधिकारी यांनी नगरपालिकेतील शेवटच्या मतदारापर्यंत संपर्क करून शिवसेना सरकारची व मुख्यमंत्री यांची विकासकामे पोहोचवावीत, असेही नितीन बानुगडे पाटील यांनी या वेळी सांगितले.
या प्रसंगी कार्यक्रमाचे संयोजक उपजिल्हाप्रमुख सचिन मोहिते यांनी प्रास्ताविक केले. जिल्हाप्रमुख यशवंत घाडगे यांनी सर्व कार्यकर्त्यांच्या वतीने लवकरच वॉर्डनिहाय बैठका घेऊन पुढील रणनीती ठरविणार असे सांगितले.
प्रसंगी तालुकाप्रमुख अनिल गुजर, आतिश ननावरे, शहरप्रमुख निलेश मोरे, महिला शहर संघटिका रूपा लेंबे, युवा सेना अधिकारी महेश शिर्के, शिवाजी पवार, प्रणव सावंत, मारुती वाघमारे, सयाजी शिंदे, मंजिरी सावंत, रमेश बोराटे, प्रशांत शेळके, मोहन इंगळे, संतोष शिंदे, नीलेश चित्रागार, सागर रायते, इम्रान बागवान, अक्षय जमदाडे, सपकाळ दादा, सर्व उपशहरप्रमुख, विभागप्रमुख व आजी माजी पदाधिकारी, शिवसैनिक उपस्थित होते.
फोटो ओळ : सातारा येथे शिवसेनेचे उपनेते नितीन बानुगडे पाटील यांचा नीलेश मोरे यांनी सत्कार केला. याप्रसंगी सचिन मोहिते व इतर पदाधिकारी उपस्थित होते.
फोटो नेम : ०२शिवसेना