कऱ्हाड : ‘लोकमत’चे संस्थापक संपादक दिवंगत जवाहरलालजी दर्डा यांच्या जयंतीनिमित्ताने ‘लोकमत’ने आयोजित केलेल्या रक्तदान महायज्ञाला मंगळवारी कऱ्हाडमध्ये चांगला प्रतिसाद मिळला. मंगळवारी येथील सागर बर्गे मित्र परिवाराच्या वतीने रक्तदान शिबिर घेण्यात आले. या वेळी रक्तदात्यांनी उत्स्फूर्त प्रतिसाद दिला.
प्रारंभी ‘लोकमत’चे संस्थापक संपादक दिवंगत जवाहरलाल दर्डा यांच्या प्रतिमेचे पूजन सागर बर्गे, अॅड विकास पवार, डाॅ. संदीप यादव यांच्या हस्ते करण्यात आले. या वेळी अजिंक्य मोहिते, अजित जाधव, राहुल बर्गे, संदीप पाटील, चंद्रकांत पाटील, तुषार माने, वैभव बडेकर, नितीन महाडिक, दत्तात्रेय दुपटे यांची यावेळी उपस्थिती होती.
दरम्यान, संदीप पाटील (एबी पॉझिटिव्ह), तुषार माने (एबी पॉझिटिव्ह), इब्राहिम भगवान (ओ पॉझिटिव्ह), सोहेल शेख (बी पॉझिटिव्ह), सौरभ रानडे (बी पॉझिटिव्ह), शंकर गायकवाड (बी पॉझिटिव्ह), चंद्रकांत गायकवाड (एबी पॉझिटिव्ह), साईराज बर्गे (ए पॉझिटिव्ह), चंद्रकांत पाटील (ओ पॉझिटिव्ह), बजरंग सोनवणे (ए पॉझिटिव्ह), राहुल बर्गे (ए पॉझिटिव्ह), अतुल बर्गे (ओ पॉझिटिव्ह), सुरज देसाई (ओ पॉझिटिव्ह), गणेश कुंभार (ओ पॉझिटिव्ह) आदींनी रक्तदान केले. शिबिर यशस्वी करण्यासाठी यशवंत ब्लड बँक कऱ्हाडच्या सर्व सहकाऱ्यांनी परिश्रम घेतले.
फोटो
कऱ्हाड येथे मंगळवारी आयोजित रक्तदान शिबिराचे उद्घाटन ‘लोकमत’चे संस्थापक संपादक दिवंगत जवाहरलालजी दर्डा यांच्या प्रतिमापूजन करुन करण्यात आले. या वेळी सागर बर्गे, अॅड. विकास पवार, डॉ. संदीप यादव उपस्थित होते.