मलकापूर शहरातील ४५ वर्षांवरील नागरिकांना लस देण्याकरिता काले प्राथमिक आरोग्य केंद्रांतर्गत आज येथील भारती विद्यापीठ विधि महाविद्यालयात व गणेश कॉलनीमधील वुमन्स फॅसिलिटी सेंटर अशी पहिली दोन लसीकरण केंद्रे सुरू करण्यात आली. या लसीकरण केंद्रांचा बुधवारी आमदार पृथ्वीराज चव्हाण यांच्या हस्ते शुभारंभ झाला. या वेळी तहसीलदार अमरदीप वाकडे, नगराध्यक्षा नीलम येडगे, उपनगराध्यक्ष मनोहर शिंदे, तालुका वैद्यकीय अधिकारी संगीता देशमुख, मुख्याधिकारी राहुल मर्ढेकर, काले प्राथमिक आरोग्य केंद्राचे वैद्यकीय अधिकारी डॉ. राजेंद्र यादव, पालिकेचे नियोजन सभापती प्रशांत चांदे, बांधकाम सभापती राजेंद्र यादव, महिला व बालकल्याण सभापती शकुंतला शिंगण, नुरजहाँन मुल्ला, नगरसेवक सागर जाधव, आबासाहेब सोळवंडे, कमलताई कुराडे, अलका जगदाळे, स्वाती तुपे, निर्मला काशीद, नंदा भोसले, भारती पाटील, किशोर येडगे यांच्यासह अधिकारी व कर्मचारी उपस्थित होते.
पृथ्वीराज चव्हाण म्हणाले, कोरोनाला थांबविण्यासाठी मलकापूरने चांगले काम केले आहे. कोरोना होऊच नये म्हणून लस घेणे गरजेचे आहे. मलकापूरचा विस्तार पाहता महामार्गाच्या पूर्व-पश्चिम बाजूंस लसीकरण केंद्रांची सोय केली आहे. या वेळी प्रथम उपनगराध्यक्ष मनोहर शिंदे यांच्यासह नगरसेवकांनी स्वतः लस घेतली. दरम्यान, शहरातील सर्व नागरिकांनीही न घाबरता लस घ्यावी, असे आवाहन पृथ्वीराज चव्हाण यांनी ऑनलाइन केले.
कोट
मलकापूर शहराची वाढती लोकसंख्या विचारात घेता लसीकरणाचे काम जलदगतीने पूर्ण करण्यासाठी दररोज लस देण्याचा प्रयत्न सुरू आहे. शहरात लवकरच दैनंदिन लस उपलब्ध होईल. कोरोनाचा प्रादुर्भाव थांबविण्यासाठी जास्तीतजास्त नागरिकांनी लस घ्यावी.
- नीलम येडगे,
नगराध्यक्षा
फोटो
मलकापुरातील कोरोना लसीकरण केंद्रांचा आमदार पृथ्वीराज चव्हाण यांनी आॉनलाइन शुभारंभ केला. (माणिक डोंगरे)