स्टार स्कूल अँड ज्युनिअर कॉलेजच्या मैदानात वृक्षारोपण

मलकापूर : येथील श्री मळाईदेवी शिक्षण संस्थेच्या स्टार इंग्लिश मीडियम स्कूल अँड ज्युनिअर कॉलेजमध्ये वृक्षारोपण करण्यात आले. शासन नियमांचे पालन करून जागतिक पर्यावरण दिन साजरा करण्यात आला. पर्यावरणाची गुणवत्ता वाढविणे, समस्या व संवर्धनाविषयी जागरूकता करणे आणि पर्यावरणपोषक निर्णय घेण्याची क्षमता निर्माण व्हावी म्हणून वातावरणाची निर्मिती करणे हा पर्यावरण दिन साजरा करण्यामागचा मुख्य हेतू आहे. तेव्हा वृक्ष संपदा ही अनन्यसाधारण व मानवाला मिळालेली मोठी देणगी आहे. परिणामी वृक्षलागवड ही लोकचळवळ झाली पाहिजे, या महत्त्वाकांक्षी वृक्षलागवड मोहिमेत प्रत्येकाचा वाटा असणे महत्त्वाचे आहे. यावेळी सचिव अशोकराव थोरात भाऊ, अध्यक्ष पांडुरंग पाटील, उपाध्यक्ष भास्करराव पाटील, खजिनदार तुळशीराम शिर्के, संचालक वसंतराव चव्हाण, संजय थोरात तसेच कॉलेजचे प्राचार्य डॉ. रामचंद्र जाधव, संस्थेचे विश्वस्त हिंगसे उपस्थित होते.