वडूज : कातरखटाव येथे गुरुवारी सायंकाळी आठच्या सुमारास दोन युवकांमध्ये झालेल्या मारहाणीत एक युवक गंभीर जखमी झाला. त्याची प्रकृती अत्यवस्थ आहे. मारहाणीची माहिती मिळताच पोलीस तातडीने घटनास्थळी दाखल झाले. यामुळे तणाव निवाळला.
घटनास्थळावरून मिळालेली माहिती अशी की, कातरखटाव-येलमरवाडी रस्त्यानजीक दोन युवकांमध्ये झालेल्या मारहाणीत एक युवक गंभीर जखमी झाला असून, त्याची प्रकृती चिंताजनक असल्याचे समजते. याबाबत खबर समजताच घटनास्थळी वडूज पोलीस ठाण्याचे सहायक पोलीस निरीक्षक मालोजीराव देशमुख व पोलीस कर्मचाऱ्यांसहित तातडीने हजर झाले. त्यामुळे कातरखटाव परिसरात खळबळ माजली आहे. तसेच पडळ (ता. खटाव) येथे झालेल्या मारहाणीत एकाचा मृत्यू झाल्याने कातरखटाव परिसरात भीतीचे व दहशतीचे वातावरण निर्माण झाले. त्यातच सायंकाळी दोन युवकांत झालेल्या झटापटीत एक युवक गंभीर जखमी झाल्याने परिसरात आणखीनच भीतीचे सावट पसरले आहे.
या घटनेची वडूज पोलीस ठाण्यात नोंद झालेली नव्हती. सामान्य नागकरिकांत भीतीचे वातावरण निर्माण झाले असून, खाकीचा वचक नसल्याचे यानिमित्ताने स्पष्ट होत आहे.
-----------------------