शहरं
Join us  
Trending Stories
1
जगबुडी नदी पुन्हा काळ बनली! अंत्ययात्रेला जाणाऱ्या प्रवाशांची कार नदीत कोसळली; ५ जणांचा मृत्यू
2
एलओसीवर मोठ्या हालचाली! पाकिस्तानी लष्कराचे अधिकारी अन् लष्कर ए तोयबाची जमवाजमव; कारस्थान रचण्यास सुरुवात
3
‘आग’वार, २५ ठार... ! टॉवेल निर्मिती कारखान्यात होरपळून आठ जणांचा मृत्यू, तर ‘चारमिनार’लगतच्या इमारतीत १७ जणं गुदमरून ठार 
4
पाकिस्तानी गुप्तहेर नोमान इलाहीचे धक्कादायक खुलासे, टोळीत अनेकांचा समावेश
5
आर्थिक अडचणींमुळे अभिनय क्षेत्र सोडून झाला जादूगार? लोकप्रिय अभिनेत्याचा व्हिडीओ व्हायरल, म्हणाला-
6
मदतीसाठी ‘आयएमएफ’च्या पाकिस्तानवर ११ नवीन अटी, भारतासोबत तणाव वाढल्यास उद्दिष्टपूर्ततेत धोके वाढण्याचा इशारा
7
"१० दिवसांपूर्वी पाकिस्तानला जाऊन आली,आता काश्मीरकडे..."; ज्योतीच्या हालचालींबद्दल आधीच आलेला संशय!
8
आजचे राशीभविष्य १९ मे २०२५ : वृश्चिकला आर्थिक लाभ, नशिबाची साथ...
9
पर्यटन क्षेत्राची स्थिती कोरोनापेक्षाही गंभीर, पहलगाम दहशतवादी हल्ल्याचा काश्मीरला मोठा फटका
10
ऑपरेशन सिंदूरबद्दल वादग्रस्त वक्तव्य, प्राध्यापकाला अटक
11
Astro Tips: इच्छित मनोकामनापूर्तीसाठी सोमवारी करा २ लवंगांचा सोपा उपाय; विसरून जाल सगळे अपाय!
12
 ‘किती’ जगलो, यापेक्षा ‘कसे’ जगलो हे महत्त्वाचे...
13
ज्योती मल्होत्रानंतर ISI च्या आणखी एका एजंटला अटक, उत्तर प्रदेश एटीएसची कारवाई
14
अवकाशातून अत्यंत स्पष्ट फोटो मिळाले असते, पण...; पृथ्वी निरीक्षण उपग्रह प्रक्षेपणाची मोहीम अयशस्वी
15
अबोल वेदना, गोंधळलेली मने : पुरुषांच्या मानसिक आरोग्याची वेळीच दखल घ्या! मानसोपचारतज्ज्ञांचे आवाहन
16
IPL 2025 Playoffs Scenarios: आता एका जागेसाठी ३ संघ! MI अन् DC त कडवी टक्कर; LSG चं काही खरं नाही
17
ज्योती मल्होत्रा बनली होती पाकिस्तानसाठी 'अ‍ॅसेट', 'ऑपरेशन सिंदूर'च्या काळात होती शत्रूच्या संपर्कात
18
IPL 2025 : गुजरात टायटन्ससह रॉयल चॅलेंजर्स बंगळुरु अन् पंजाब किंग्जला मिळालं प्लेऑफ्सचं तिकीट
19
RSS मुख्यालयावरील हल्ल्याचा सूत्रधार सैफुल्लाचा १९ वर्षांनंतर खात्मा, संघ वर्तुळातून ‘अज्ञात’ व्यक्तीच्या कृतीचे स्वागत
20
IPL च्या इतिहासात असं पहिल्यांदाच घडलं; शुबमन गिल-साई जोडीच्या जोरावर GT नं साधला विक्रमी डाव

पश्चिम भागात अवतरलाय माणसांमधील ‘देव’

By लोकमत न्यूज नेटवर्क | Updated: July 31, 2021 04:38 IST

वाई : कोंढावले - देवरुखवाडी, जांभळी आणि जोर येथे झालेल्या भूस्खलनाला सात दिवस झाले. या दुर्घटनेत चारजणांचा मृत्यू झाला, ...

वाई : कोंढावले - देवरुखवाडी, जांभळी आणि जोर येथे झालेल्या भूस्खलनाला सात दिवस झाले. या दुर्घटनेत चारजणांचा मृत्यू झाला, पशुधन गाडले गेले. हक्काची घरे बेचिराख झाली, संसार मातीमोल झाला अन् सोन्यासारख्या जमिनीचा अक्षरशः ‘चिखल’ झाला. निराधार, बेघर झालेल्या इथल्या जनतेकडे आता शहर व तालुक्यातून मदतीचा ‘पूर’ वाहू लागला आहे. माणसातील ‘देव’ इथं अवतरल्याचे चित्र अनुभवायला येत आहे.

अस्मानी संकटाने पश्चिम भागाचा चेहरामोहराच बदलून गेला आहे. निसर्गाचे वरदान लाभलेला हा परिसर काळवंडलाय. दुःखाचे धूर सर्वदूर पसरलेत. सह्याद्रीच्या कुशीत वसलेली इथली टुमदार गावं, वाड्या-वस्त्यांवर स्मशानशांतता पसरली आहे. इथल्या माणसांना दिवस-रात्र मृत्यू आजूबाजूला घोंगावताना दिसतोय.

जोरची माय-लेकरं अजून सापडली नाहीत. अख्ख गावं चिंतातूर आहे. काय त्यांनी पाप केलं होतं? निसर्गाला देव मानणाऱ्या या भूमीत अघटित घडलं कसं? असा प्रश्न इथल्या प्रत्येकाला पडला आहे.

अतिवृष्टीचे ‘ते’ चार दिवस जीव मुठीत घेऊन जगणाऱ्या या कष्टकऱ्यांना पिण्यासाठी ना स्वच्छ पाणी आहे ना खायला आहे. कधीही मृत्यू कवटाळेल, या भीतीने त्यांची तहान-भूक हरवली होती. आता कुठे ही लोकं बोलती झाली आहेत. त्या दिवसांचा क्षण ना क्षण ते सांगताहेत.

संसार उघडे पडलेल्या या ‘जीवांना’ आपण एकटे पडलो नाही, आपल्याला सावरायला आहे कोणीतरी येतंय या जाणीवेने ते सर्वजण सुखावले होते.

वाईच्या दिशेने तरुण, आबाल- वृद्ध गटागटाने येत आहेत. सोबत खाण्यापासून सर्व काही आणताहेत. सर्व काही भारावून टाकणारं. खचलेल्या माणसाला पुन्हा ‘मनाने’ उभं करण्याचं ‘पुण्य’ आज अनेक संघटनांचे, राजकीय पक्षांचे तरुण करताना दिसत आहेत. माणुसकी अजून जिवंत आहे, यांचा प्रत्यय आज पश्चिम भाग अनुभवतोय.

रविवारी पावसाचा जोर मंदावला. एनडीआरएफ पथकाच्या माध्यमातून जोरला प्रशासकीय यंत्रणाही पोहोचली. पाठोपाठ सामाजिक संघटनेचे कार्यकर्तेही अन्न, धान्य, पिण्याचे पाणी, सर्व जीवनावश्यक वस्तू घेऊन पोहोचले. सह्याद्री ॲकॅडमी, रुद्रशंभू प्रतिष्ठान, हिंदुस्थान प्रतिष्ठान, आरपीआयचे कार्यकर्ते, रोटरी क्लब, सर्वोदय सेवा ट्रस्ट, काळेश्वरी चॅरिटेबल ट्रस्ट या सामाजिक संस्था, संघटना याशिवाय अनेक दानशूर व्यक्तींनी इथे मदत पोहोचवली आहे. जगण्याची खात्री नसलेल्या इथल्या माणसाला या सर्वांनी जी मदत केली आहे त्याची पैशात किंमत होऊ शकत नाही.

सरकारची मदत मिळेल तेव्हा मिळेल पण स्वखर्चाने माणसं उभं करण्याचे महत्तम काम पुरोगामी विचारांचा वाई तालुका करत आहे. या तमाम तरुणांना, संघटना, राजकीय पक्षाचे कार्यकर्ते-पदाधिकारी साऱ्यांना सलाम..!

चौकट...

वाईतील डॉक्टर्सही उतरले सेवेसाठी

या परिसरातील आजारी रूग्णांना दवाखान्यात पोहोचणे अवघड झाले आहे. ही अडचण लक्षात घेऊन वाईतील डॉ. प्रकाश कासुर्डे, डॉ. शैलेश देढे, डॉ. योगेश फरांदे , डॉ. गजानन गव्हाणे, डॉ. दिनेश हरियाल, डॉ. नीलेश देखमुख, डॉ. सागर धोत्रे, डॉ. केतन शहा, डॉ. पवनकुमार सोनावणे, डॉ. संदेश शिंदे, डॉ. रमेश जाधव यांनी दुर्घटनाग्रस्त गावात जाऊन देवरुखवाडीसह परिसरातील पाचशेहून अधिक ग्रामस्थांची मोफत तपासणी करताना त्यांना मोफत औषधेही दिली. यानंतरही उर्वरित गावात मोफत उपचार केले जाणार आहेत.

फोटो... अतिदुर्गम जोर गावात असंख्य अडचणींचा सामना करत सामाजिक कार्यकर्ते अन्न-धान्य सोबत घेऊन पोहोचत आहेत.