शहरं
Join us  
Trending Stories
1
IPL 2025 DC vs KKR : सुनील नरेन मॅजिक! ७ चेंडूत फिरवली मॅच; फाफची फिफ्टी ठरली व्यर्थ
2
धक्कादायक! वडिलांनी आठ वर्षांच्या मुलाचा गळा आवळून खून केला, मृतदेह पोत्यात भरला अन्...
3
VIDEO: रत्नागिरीजवळ रनपार खाडीत मासेमारी पाहण्यासाठी गेलेल्या १६ जणांना वाचविण्यात यश
4
भाजपाच्या अनेक नेत्यांचं आयएसआयशी संबंध, काँग्रेसचे ज्येष्ठ नेते रणदीप सुरजेवाला यांचा गंभीर आरोप   
5
गंभीर गुन्हा होण्यापूर्वीच पोलिसांनी डाव हाणून पाडला; परभणीत घरझडतीत घातक शस्त्र जप्त
6
IPL 2025 : 'चमत्कारी' चमीरा! 'सुपरमॅन' होऊन सीमारेषेवर टिपला IPL मधील एक सर्वोत्तम कॅच (VIDEO)
7
'ब्रेक फेल' झाल्याने पुण्याच्या चांदणी चौकात भीषण अपघात; PMPML बसने उडवली अनेक वाहने
8
लातूरच्या लेकींचा आंतरराष्ट्रीय क्रीडा स्पर्धेत बोलबाला! ज्योती पवारमुळे भारताला उपविजेतेपद
9
अक्षय्य तृतीयेच्या पूर्वसंध्येला नागपूर जिल्ह्यात दोन बालविवाह; काटोल, कन्हान हद्दीतील घटना
10
दक्षिण नागपूरात कमी दाबाने पाणीपुरवठा, हनुमाननगर झोनमध्ये शिवसेनेतर्फे पाण्यासाठी आंदोलन
11
ब्रेकरने खड्डे करत फाउंडेशन केले मजबूत! क्रीडा संकुलातील महिलांच्या ओपन जीमची नव्याने दुरुस्ती
12
आता पाकिस्तानची खैर नाही! पीएम मोदींचे सैन्याला फ्री हँड, उच्चस्तरीय बैठकीत ठरली रणनीती
13
पाकिस्तानात पाणी प्रश्नावरून जनता संतापली! लोक आक्रमक होत रस्त्यावर उतरले, वाहतूक अडवली...
14
जय हिंद म्हणत अतुल कुलकर्णीं यांनी लाल चौकातून देशवासीयांना दिला जबरदस्त संदेश, म्हणाले...  
15
श्री संत तुकाराम महाराजांच्या पालखीचे १८ जुनला प्रस्थान; ६ जुलैला पंढरपूरमध्ये होणार दाखल
16
अंत्यसंस्कार न करता मुलाने दोन वर्षे कपाटात लपवून ठेवला वडिलांचा मृतदेह, पोलिसांनी केली अटक, कारण वाचून येईल डोळ्यात पाणी
17
"नाशिकच्या हिंसक घटनेतील आरोपींना कठोर शिक्षा करा"; काँग्रेसची महायुती सरकारकडे मागणी
18
नवज्योत सिंग सिद्धू भाजपात सामील होणार? या पोस्टने वेधले लक्ष, उद्या करणार घोषणा
19
जळगावात मालवाहू वाहनाची दुचाकीला धडक; बाप-लेक जागीच ठार; माय- लेक गंभीर जखमी!
20
शूर मराठा सरदार रघुजी भोसले यांची तलवार मिळवण्यात महाराष्ट्र सरकार यशस्वी; जिंकला लिलाव

"पृथ्वीराजां" ची एन्ट्री, कोणासाठी धोक्याची घंटी !

By लोकमत न्यूज नेटवर्क | Updated: April 17, 2021 04:38 IST

प्रमोद सुकरे कराड : कराड पालिकेत दोन वर्षांनंतर आमदार पृथ्वीराज चव्हाण यांनी एन्ट्री केली. त्यांच्या फंडातून खरेदी ...

प्रमोद सुकरे

कराड : कराड पालिकेत दोन वर्षांनंतर आमदार पृथ्वीराज चव्हाण यांनी एन्ट्री केली. त्यांच्या फंडातून खरेदी केलेल्या रुग्णवाहिकेचे लोकार्पण यावेळी त्यांच्या हस्ते झाले. चव्हाणांच्या स्वागताला राष्ट्रवादीसह भाजपचे नगरसेवक उपस्थित होते. पण काहींनी या कार्यक्रमाकडे पाठ फिरवली. त्यामुळे पृथ्वीराज यांची एन्ट्री कोणासाठी धोक्याची घंटी आहे; याबाबत शहरात चर्चा रंगू लागल्या आहेत.

पालिकेच्या गत निवडणुकीत पृथ्वीराज चव्हाण यांच्या नेतृत्वाखाली आघाडी रिंगणात उतरली. खरं तर पृथ्वीराज चव्हाण यांच्या प्रतिमेचा जनशक्ती, यशवंत, लोकसेवा या तिन्ही आघाड्यांच्या नेत्यांना फायदा झाला. तांत्रिक अडचणीमुळे सर्वजण फक्त जनशक्ती आघाडीच्या माध्यमातूनच निवडणुकीला सामोरे गेले एवढेच !

उमेदवार निश्चित करताना बऱ्याच घडामोडी घडल्या. अखेर उमेदवार निश्चित झाले. समोर राष्ट्रवादीचे नेते बाळासाहेब पाटील यांची लोकशाही आघाडी व भाजपचे उमेदवार असे तगडे आव्हान होते. चव्हाणांनी तळागाळापर्यंत उतरून प्रचार केला. जनशक्ती आघाडीला बहुमत मिळाले. नगराध्यक्ष मात्र भाजपच्या निवडून आल्या. निवडून आल्यानंतर बहुतांशी जनशक्तीच्या नगरसेवकांनी दोनच दिवसांत चव्हाणांकडे पाठ फिरवली. ती परवाच्या पालिकेतील पृथ्वीराज चव्हाण यांच्या कार्यक्रमातही दिसून आली.

आता चार वर्षांत कराडच्या पुलाखालून बरेच पाणी वाहून गेले आहे. वर्षभरावर पालिकेची निवडणूक येऊन ठेपली आहे. इच्छुकांनी आत्तापासूनच जोर-बैठका सुरू केल्या आहेत. पण पृथ्वीराज चव्हाण यांची पालिकेतील एन्ट्री म्हणजे येत्या निवडणुकीत ते सक्रिय होणार असल्याचे संकेतच मानले जातात. त्यामुळे गत निवडणुकीत त्यांच्या नेतृत्वाखाली विजय होऊन दगाफटका करणाऱ्यांसाठी ही धोक्याची घंटा मानली जात आहे.

खरंतर पाठीमागच्या पालिका निवडणुकीत काहींनी पृथ्वीराज चव्हाण यांच्याकडे हाताच्या चिन्हावर लढण्याचा आग्रह धरला होता. परंतु आघाड्यांच्या राजकारणात माहीर असलेल्यांनी पृथ्वीराज चव्हाण यांच्या गळी आघाडीचे राजकारण उतरवलं. पण निकालानंतर चव्हाणांना आपलं थोडं चुकलंच असं निश्चितच वाटलं असावं.

आपल्याच नगरसेवकांनी आपल्याकडे पाठ फिरवली ही वस्तुस्थिती असतानाही पृथ्वीराज चव्हाण आणि चेहऱ्यावर काही दाखवले नाही .पालिका हा विषय त्यांनी जरा दूरच ठेवला. पण नुकतेच कार्यक्रमाच्या निमित्ताने पालिकेत येऊन त्यांनी टायमिंग शॉट मारल्याचे बोलले जात आहे. आता यापुढील काळात पालिकेच्या पिचवर ते काय काय खेळी करणार हे पहावे लागेल.

चौकट

यादव -पाटील गटाची अनुपस्थिती

पालिकेत बहुमतात असणाऱ्या जनशक्ती आघाडीतील गटनेते राजेंद्र यादव व उपनगराध्यक्ष जयवंत पाटील यांच्यासह त्यांच्या समर्थक नगरसेवकांनी पृथ्वीराज चव्हाण पालिकेत आले असताना कार्यक्रमाकडे पाठ फिरवली. पण आघाडीच्या माजी नगराध्यक्ष शारदा जाधव, नगरसेवक अतुल शिंदे आदींनी यावेळी आवर्जून हजेरी लावली होती .त्याचीही चर्चा सुरू आहे.

चौकट

रुग्णवाहिका खरेदीला उशीर का?

गतवर्षी कोरोनाचे संकट आले तेव्हा पृथ्वीराज चव्हाणांनी रुग्णवाहिकेसाठी कराड पालिकेला निधी दिला. मात्र कोरोनाची दुसरी लाट आल्यावर त्याची खरेदी झाली आहे. त्यासाठीही स्वतः चव्हाणांना प्रशासनाला धारेवर धरावे लागले. तेव्हा कुठे त्याला गती आली. रुग्णवाहिका खरेदीला झालेला उशीर हा राजकारणाचा भाग असल्याची चर्चा शहरात आहे. पालिकेने रुग्णवाहिका स्वीकारली, पण येथील काही नगरसेवकांना झालेल्या राजकीय आजाराचं काय? हा प्रश्न अनुत्तरितच आहे.

फोटो :पृथ्वीराज चव्हाण