म्हसवड : दहिवडी येथील विकास सेवा सोसायटीच्या चेअरमनपदी शिवसेनेचे युवानेते शेखर गोरे यांचे खंदे समर्थक दिलीप परशुराम जाधव यांची निवड करण्यात आली. चेअरमनपद मिळविण्यासाठी विरोधकांनी सदस्य फोडाफोडीची राजकीय खेळी केल्यानंतर शेखर गोरे यांनी यात लक्ष घातले होते. विरोधकांच्या या खेळीला शेखर गोरे यांच्या मार्गदर्शनाखाली निष्ठावंत सदस्यांनी चपराक देत विरोधकांच्या प्रयत्नांना यश मिळू दिले नाही.
दहिवडी येथील विविध सहकारी सेवा सोसायटी शिवसेनेचे युवानेते शेखर गोरे यांच्या विचारांची आहे. त्यांच्या नेतृत्वाखाली सोसायटी निवडणुकीत निर्विवाद यश मिळवले होते. आजपर्यंत त्यांच्याच समर्थकांची चेअरमनपदी निवड होत असताना या वेळी विरोधकांनी सदस्यांना आपल्या बाजूने वळविण्यासाठी व चेअरमनपद मिळविण्यासाठी प्रयत्न केले होते. मात्र शेखर गोरेंच्या निष्ठावंत सदस्यांनी विरोधकांच्या प्रयत्नांना यश मिळू दिले नाही.
चेअरमन निवडी प्रसंगी व्हाईस चेअरमन शैलेंद्र खरात, मारुती गलंडे, राजू खांडे,रवींद्र जाधव, जयंत कुबेर, शिवाजी जाधव, शामराव नाळे, सुरेश इंगळे, निर्मला जाधव, बजरंग जगदाळे हे संचालक तसेच पंढरीनाथ जाधव, माजी नगराध्यक्ष सतीश जाधव, नगरसेवक प्रशांत शिंदे, विजय जाधव, अमोल जाधव, गोरख जाधव, निलेश जाधव, पांडुरंग जाधव उपस्थित होते.
चेअरमनपदी दिलीप जाधव यांची निवड झाल्याबद्दल शेखर गोरे यांनी कौतुक केले.
चौकट
जनतेच्या विश्वासास पात्र ठरत आपल्या नेतृत्वाखाली कार्यकर्त्यांनी विविध सत्ता मिळविल्या आहेत. मात्र राष्ट्रवादीचे नेतेमंडळी व त्यांचे कार्यकर्ते नेहमीच आयत्या पिठावर रेघोट्या मारण्यात पटाईत असल्याने सत्ता हडपण्यासाठी ते आसुसलेले दिसून येत आहेत. दहिवडी सोसायटीत त्यांचे फोडाफोडीचे प्रयत्न आपल्या निष्ठावंत सदस्यांनी हाणून पाडले आहेत. राष्ट्रवादीच्या या मागून वार करण्याच्या प्रवृत्तीविरोधात येणाऱ्या निवडणुकांत त्यांना त्यांची जागा दाखवून देणार आहे.
- शेखर गोरे
फोटो
दहिवडी सोसायटीच्या चेअरमनपदी शेखर गोरे समर्थक दिलीप जाधव यांची निवड करण्यात आली.
===Photopath===
180621\img-20210617-wa0043.jpg
===Caption===
फोटो - दहिवडी ता.माण सोसायटीच्या चेअरमनपदी शेखरभाऊ गोरे समर्थक दिलीप जाधव यांची निवड झाल्यानंतर उपस्थित मान्यवर व संचालक व कार्यकर्ते