मलकापूर : कऱ्हाड येथून उंब्रजकडे तरकारी घेऊन निघालेल्या मालवाहतूक रिक्षाला कंटेनरची जोरदार धडक झाली. या अपघातात रिक्षाचालकासह दोघे जखमी झाले आहेत. हा अपघात पुणे-बंगलोर आशियायी महामार्गावर खोडशी हद्दीत सकाळी साडेसातच्या सुमारास झाला. अपघातानंतर महामार्गावरील वाहतूक काही काळ विस्कळीत झाली होती.
हिम्मत तुकाराम बाबर (वय ५५), रिक्षाचालक प्रकाश मारुती शेजवळ (४५, दोघे रा. अंधारवाडी, उंब्रज) अशी अपघातात जखमी झालेल्यांची नावे आहेत. अपघातस्थळावरून मिळालेल्या माहितीनुसार, आंधारवाडी येथील मालवाहतूक रिक्षाचालक शेजवळ हे कऱ्हाड बाजार समिती येथून माल वाहतूक रिक्षा (एमएच ५० ७८९३) मधून तरकारीचा माल भरून उंब्रजकडे जात होते. पुणे-बंगळूर महामार्गावर सकाळी साडेसातच्या सुमारास खोडशी हद्दीत आले. तेव्हा मुंबईकडे जात असलेल्या कंटेनरची (आरजे ०६ जीए ३१७५) रिक्षाला पाठीमागून जोराची धडक झाली. या अपघातात रिक्षाचालकासह दोघे जखमी झाले. अपघातानंतर महामार्गावरील वाहतूक काही काळ विस्कळीत झाली होती.
अपघाताची माहिती मिळताच महामार्ग देखभाल विभागाचे दस्तगीर आगा, रमेश खुणे, पांडुरंग चव्हाण यांच्यासह कर्मचारी तातडीने अपघातस्थळी दाखल झाले. अपघाताची खबर कऱ्हाड शहर पोलिसांसह महामार्ग पोलिसांना दिली. अपघाताची माहिती मिळताच हवालदार खलिल इनामदार, प्रशांत जाधव, महामार्ग पोलीस चौकीचे कर्मचारी घटनास्थळी दाखल झाले. पोलिसांच्या मदतीने देखभाल विभागाच्या कर्मचाऱ्यांनी रूग्णवाहिकेतून जखमींना रूग्णालयात पाठवून दिले. अपघातग्रस्त वाहने बाजूला करून महामार्ग वाहतुकीस खुला केला.
फोटो ०६मलकापूर
कऱ्हाड येथून उंब्रजकडे तरकारी घेऊन निघालेल्या मालवाहतूक रिक्षाला कंटेनरची जोरदार धडक झाली. या वेळी वाहतूक विस्कळीत झाली होती. (छाया : माणिक डोंगरे)
060721\img-20210706-wa0008.jpg
फोटो कॕप्शन
कराड येथून उंब्रजकडे तरकारी घेऊननिघालेल्या मालवाहतूक रिक्षाला कंटेनरची जोरदार धडक झाली यावेळी वाहतूक विस्कळीत झाली होती. (छाया-माणिक डोंगरे)