तळीरामाकडून भावजयीचा खून

कोरेगाव तालुका : जळगाव येथे गोठ्यात धारा काढताना सशस्त्र हल्ला

कोरेगाव : कोरेगाव तालुक्यातील जळगाव येथे किरकोळ कारणावरून धारदार शस्त्राने वार करून भावजयीचा खून करण्यात आला. याप्रकरणी दीर प्रताप शंकर जाधव याला पोलिसांनी अटक केली आहे. पोलीस ठाण्यातून मिळालेल्या माहितीनुसार, सुनील जाधव हे संत तुकारामनगर (पिंंपरी-चिंचवड, पुणे) येथे भाड्याने रिक्षा घेऊन चालवितात. त्यांचे मोठे भाऊ अशोक यांच्याकडे ते वास्तव्यास आहेत. जळगाव येथील शेती बघत ते जाऊन-येऊन पुण्यात व्यवसाय करतात. सध्या शेतातील कामे सुरू असल्याने ते गावीच होते. सुनीलचा भाऊ प्रताप हा कोणतेही कामङ्कनसल्यामुळे गावी राहण्यास होता. तो सतत दारूपिऊन सुनील यांची पत्नी बेबी ऊर्फराणी आणि आई अनुसया यांना शिवीगाळ करत असत. त्याच्या सततच्या भांडणाला घरातील लोक कंटाळले होते. दिराच्या वागण्याला कंटाळून राणी व त्यांच्या दोन्ही मुलींनी प्रतापला ‘घरात घेऊ नका,’ असे सुनील यांना बजावले होते. मात्र, भाऊ असल्याने सुनील यांनी पत्नीच्या म्हणण्याकडे दुर्लक्ष केले होते. शेतातील फुलकोबी तोडून सुनील हे गुरुवारी सकाळी सातारा येथे विकण्यासाठी गेले होते. प्रताप सायंकाळी शेतातून वैरण घेऊन घरी आला आणि गोठ्याकडे गेला होता. सायंकाळी सुनील घरी पतरले आणि चुलते संभाजी जाधव यांच्या घरी गप्पा मारत बसले होते. पत्नी राणी शेतातील कामे उरकून गोठ्यात जनावरांच्या धारा काढण्यासाठी गेल्या होत्या. यावेळी मुली घरात अभ्यास करत होत्या. बराचवेळ झाला तरी आई न आल्याने मुलगी चैत्राली ही गोठ्याकडे गेली. तेथे आई दिसली नाही; मात्र चुलते प्रताप हे पळून जात असल्याचे दिसले. त्यानंतर घाबरतच ती वडील सुनील यांच्याकडे जाऊन याची माहिती दिली. त्यानंतर सर्वजण गोठ्यात गेले असता, राणी (वय ३६) बेशुध्द पडलेल्या दिसल्या. त्यांच्यावर धारदार शस्त्राने वार झाल्याचे आढळून आले. त्यांना तातडीने कोरेगावातील खासगी रुग्णालयात उपचारासाठी नेण्यात आले. मात्र, रुग्णालयाने त्यांना दाखल करून घेतले नाही. त्यामुळे जाधव कुटुंबीयांनी त्यांना जिल्हा रुग्णालयात नेले; मात्र वाटेतच त्यांचा मृत्यू झाला होता. याप्रकरणी सुनील यांनी कोरेगाव पोलीस ठाण्यात घटनेची माहिती दिली. पोलीस निरीक्षक प्रकाश धस तपास करत आहेत. (प्रतिनिधी) हातातल्या शस्त्राला कंटाळून पत्नी, मुलेही दूर वास्तव्याला गुन्हा दाखल झाल्यानंतर पोलिसांनी मंदिरात झोपलेल्या प्रताप जाधवला ताब्यात घेतले. रात्रभर कसून चौकशी केल्यानंतर त्याला शुक्रवारी सकाळी अटक करण्यात आली. प्रतापला दारूचे व्यसन असून, तो कामधंदा करत नाही. त्याचबरोबर त्याला सतत धारदार शस्त्र जवळ बाळगण्याची सवय असल्याने त्याची पत्नी व मुले प्रतापला सोडून माहेरी नवी मुंबईत वास्तव्यास आहेत.