कवठेमहांकाळ : कवठेमहांकाळ तालुक्यात कॉंग्रेसला बळकट करण्यासाठी कार्यकर्त्यांना पूर्ण ताकद देणार आहे, कार्यकर्त्यांनी मोठ्या जोमाने कामाला लागावे. असे आवाहन जतचे आमदार व कॉंग्रेसचे नूतन जिल्हाध्यक्ष विक्रम सावंत यांनी केले.
कवठेमहांकाळ येथे कॉंग्रेस पक्षाच्या वतीने कॉंग्रेसच्या जिल्हाध्यक्षपदी निवड झाल्याबद्दल आमदार विक्रम सावंत यांचा सत्कार करण्यात आला. यावेळी ते बोलत होते. यावेळी आमदार मोहनराव कदम, युवा नेते जितेश कदम, महेंद्र लाड यांची प्रमुख उपस्थिती होती.
यावेळी महाराष्ट्र प्रदेश प्रतिनिधी माणिकराव भोसले, जिल्हा उपाध्यक्ष बाळासाहेब गुरव, प्रा. दादासाहेब ढेरे, तालुका अध्यक्ष संजय हजारे, कार्याध्यक्ष अविराजे शिंदे, जिल्हा प्रतिनिधी धनाजीराव पाटील, रावसाहेब शिंदे, जिल्हा बँक संचालक सुरेश पाटील, वैभव गुरव, पंचायत समिती सभापती विकास हाक्के, बळवंत यमगर, राजाराम घोरपडे, युवक काँग्रेसचे तालुकाध्यक्ष रमेश कोळेकर, चैतन्य पाटील उपस्थित होते.