पाणी संघर्ष समितीचे आंदोलन स्थगित

बहुप्रतीक्षित अशा वितरिका क्र. दोनचे काम पूर्ण होऊनही अद्याप त्यातून पाणीपुरवठा सुरू केला नाही. म्हणून आमदार अरुण लाड यांच्या नेतृत्वाखाली दि १५ रोजीपासून कार्यकारी अभियंता ताकारी उपसा सिंचन व्यवस्थापन क्र २ यांच्या देवराष्ट्रे कार्यालयापुढे ठिय्या आंदोलन सुरू करणार होतो; परंतु या आंदोलनाची दखल घेत ताकारी पंपगृह विभाग क्रमांक १ देवराष्ट्रेचे उपकार्यकारी अभियंता यांनी फेब्रुवारी महिन्याच्या आवर्तनात वितरिका क्र.२ ला पाणी सोडण्याची मागणी मान्य करीत असल्याचे लेखी पत्र शनिवारी आमदार अरुण लाड यांना व पाणी संघर्ष समितीला देऊन बेमुदत ठिय्या आंदोलन स्थगित करण्याची विनंती केली. यानंतर आंदोलन स्थगित केल्याची माहिती श्रीकांत लाड यांनी दिली. यावेळी सांगली जिल्हा मध्यवर्ती बँकेचे संचालक किरण लाड, जिल्हा परिषदेचे सदस्य शरद लाड, कुंडलिक एडके, वसंत लाड, विजय लाड, शहाजी लाड, वसंत लाड, जगन्नाथ आवटे, मुकुंद जोशी, आदी उपस्थित होते.