कसबे डिग्रज : सांगली-पेठ मार्गावरील तुंग (ता. मिरज) येथील खबिले मळा परिसरात रस्त्याकडेला आसलेल्या जावेद सुतार यांच्या शेडवजा घरात मालवाहू ट्रक घुसला. अपघातात घराच्या भिंतीसह पत्र्याचे दाेन शेड व दुचाकीचे माेठे नुकसान झाले. रविवारी सायंकाळी ही घटना घडली
ट्रक (एमएच १० एडब्ल्यु ७७४३) सांगलीहून इस्लामपूरकडे निघाला हाेता. चालकाचा ताबा सुटल्याने ताे खबिले मळा परिसरात जावेद सुतार यांच्या घरात घुसला. यामध्ये घराचे मोठे नुकसान झाले. त्याचबरोबर रस्त्याकडेला असलेल्या पत्र्याच्या दोन शेडचे तसेच एका मोटारसायकलचेही नुकसान झाले. मळ्यातील पुरुष मंडळी गावात गेली होती. यामुळे मळ्यातील घरात केवळ महिलाच हाेत्या. सायंकाळी सहाच्या सुमारास ट्रक दुभाजकात घुसून तेथून खाली येत रस्त्याकडेच्या दोन पत्र्याची शेड पाडत घरात घुसला. घराच्या भिंती पडल्याने माेठे नुकसान झाले आहे.
फाेटाे : २६ कसबे डिग्रज २