ओळ : वाळवा येथे कुसुमताई नायकवडी यांच्या स्मृतिस्थळी संकुलाचे नेते वैभव नायकवडी यांनी अभिवादन केले.
लोकमत न्यूज नेटवर्क
वाळवा : वाळवा येथील हुतात्मा शिक्षण व उद्योगसमूहाच्या नेत्या कुसुमताई नागनाथ नायकवडी यांच्या ८९व्या जयंतीदिनी त्यांचे पुत्र व संकुलाचे नेते वैभव नायकवडी यांनी कारखाना कार्यक्षेत्रावरील स्मृतिस्थळी पुष्पचक्र वाहून अभिवादन केले.
हुतात्मा शिक्षण व उद्योगसमूहातील सर्व संस्था, साखर कारखाना, दूध संघ, महालक्ष्मी शेतकरी उत्पादन कंपनी, बँक, बझार, हुतात्मा नागरी व साखर कारखाना आणि दूध संघ कामगार पतसंस्था, जिजामाता विद्यालय, हुतात्मा विद्यालय, नाना पाटील महाविद्यालय (वाळवा), बाबूराव कोकाटे विद्यालय (पडवळवाडी), क्रांतिमाता लक्ष्मीबाई नायकवडी विद्यालय (शिरगाव), नागनाथअण्णा अकॅडमी, अरुणभैय्या अकॅडमीत कुसुमताई नायकवडी यांच्या प्रतिमेचे पूजन करून अभिवादन करण्यात आले.
यावेळी साखर कारखान्याचे उपाध्यक्ष बाबूराव बोरगावकर, दूध संघाचे उपाध्यक्ष भगवान पाटील, बझारच्या कार्यवाह नंदिनी नायकवडी, अध्यक्ष दिनकर बाबर, उपाध्यक्ष संपत पाटील, सरपंच डाॅ. शुभांगी माळी, डाॅ. अशोक माळी, उपसरपंच पोपट अहिर, जिजामाताच्या मुख्याध्यापिका व्ही. के. चेंडके, हुतात्माचे मुख्याध्यापक मधुकर वायदंडे, नाना पाटील महाविद्यालयाच्या प्राचार्या व जिल्हा परिषद सदस्या डाॅ. सुषमा नायकवडी, अजित वाजे, गंगाराम सूर्यवंशी, बाजीराव मांगलेकर, विश्वास मुळीक, शिवाजी पाटील उपस्थित होते. हुतात्मा बँकेचे अध्यक्ष किरण नायकवडी, दूध संघाचे अध्यक्ष गौरव नायकवडी, स्नेहल नायकवडी, नंदिनी नायकवडी, डाॅ. सुषमा नायकवडी व कुटुंबीयांनी सूर्योदयानंतर पुष्पांजली वाहून अभिवादन केले. यावेळी कोरोना पार्श्वभूमीवर लागू असलेल्या सर्व नियमांचे काटेकाेर पालन करण्यात आले.