कुपवाड : कुपवाड एमआयडीसीतील नेमाणी प्राॅडक्ट्स या कारखान्यातील एक लाख २९ हजार रुपयांच्या ११९ बेदाणा बॉक्सची चोरी केल्याची घटना गुरुवारी उघडकीस आली. ही चोरी चोरट्यांनी कारखान्याच्या खिडकीचे गज कापून आत प्रवेश करून ८ ऑगस्ट रोजी सायंकाळी साडेसात ते ९ ऑगस्ट २०२१ रोजी सकाळी ९ वाजेपर्यंतच्या कालावधीत केल्याचे तक्रारीत नमूद केले आहे. या घटनेची कुपवाड एमआयडीसी पोलीस ठाण्यात नोंद झाली आहे.
कुपवाड एमआयडीसीत श्रीनिवास भजनकुमार नेमाणे यांचा नेमाणी प्रॉडक्ट्स सती ट्रेडिंग कंपनी हा बेदाणा पॅकिंग करण्याचा कारखाना आहे. चोरट्याने या कारखान्याच्या गोदामाच्या खिडकीचे गज कापून आतमध्ये प्रवेश करून एक लाख २९ हजार रुपयांच्या ११९ बेदाणा बॉक्सची चोरी केली. सहायक पोलीस निरीक्षक नीरज उबाळे तपास करीत आहेत.