कोकरुड : येळापूर (ता. शिराळा) येथे शिवजयंतीनिमित्त आयोजित कुस्ती मैदानाचे आयोजन केले होते. यात पहिल्या क्रमांकाच्या कुस्तीत सांगलीच्या सुदेश ठाकूरने कोल्हापूरच्या विकास पाटील याच्यावर गुणाने विजय मिळविला.
प्रारंभी कुस्ती मैदानाचे उद्घाटन वस्ताद विठोबा लोहार, उपमहाराष्ट्र केसरी शिवाजी लाड, सुरेश चिंचोलकर, सरपंच बाबा गोळे, आबा शिंदे, विलास गवळी यांच्या हस्ते करण्यात आले.
दुसऱ्या क्रमांकाच्या लढतीत सुकुमार जाधव याने संदीप बंडगर याच्यावर १४ व्या मिनटाला विजय मिळवीत उपस्थित कुस्ती शौकिनांची मने जिंकली. तिसऱ्या क्रमांकाची दत्ता बानकर विरुद्ध सूरज पाटील यांच्या लढतीत दत्ता बानकर गुणांवर विजयी झाला. चाैथ्या क्रमांकाच्या लढतीत अजय शेडगे याने शुभम पाटील यास ११ व्या मिनिटला चितपट केले. पाचव्या क्रमांकाच्या कुस्तीत वैभव यादव याने अनिकेत खोत याच्यावर एकलांगी डावाने विजय मिळविला.
पहिल्या सात विजयी मल्लांना प्रचिती दूध संघाचे संचालक सुरेश चिंचोलकर व शिवाजी लाड यांच्यातर्फे प्रत्येकी एक किलो तूप वाटप केले. पंच म्हणून उपमहाराष्ट्र केसरी संपत जाधव, शिवाजी पाटील, मारुती पाटील, राहुल जाधव, नाना गायकवाड यांनी काम पाहिले. सदाशिव लाड, जयवंत कडोले, राहुल गायकवाड, दत्ता हाप्पे, कुमार कडोले, दादा कुंभार, विजय आटकेकर, तानाजी शिंदे, मारुती यादव, किसन आटूगडे यांनी संयोजन केले. सुरेश जाधव-चिंचोलीकर यांनी समालोचन केले. यावेळी ऑलिम्पिकवीर बंडा पाटील-रेठरेकर, विस्तार अधिकारी सुभाष लाड, सुहास घोडे, दिनकर दिंडे, सरपंच मारुती कांबळे उपस्थित होते.
चाैकट
इतर विजयी मल्ल
कर्तार कांबळे, आशुतोष लाड, विशाल जाधव, प्रदीप पाटील, विवेक लाड, अभिजित पाटील, सुशांत गायकवाड, वेदांत कडोले, शंभूराज पाटील, गणेश पवार, आदित्य लाड, सूरज गोळे, सौरभ पाटील, अमर पाटील, प्रणव जाधव, रोहन माने, मयूर रोकडे, स्वीकार सावंत, राजवर्धन पाटील, संकेत नेर्लेकर, अथर्व पाटील, साहिल वाघमारे, शुभम गोळे, रोशन पाटील, शंकर भोसले यांनी प्रतिस्पर्धीवर विजय मिळविला.