ओळ : तासगाव येथे नूतन उपनगराध्यक्ष संतोष बेले यांचा नगराध्यक्ष डॉ. विजय सावंत यांनी सत्कार केला. यावेळी जाफर मुजावर उपस्थित होते.
तासगाव : तासगावचे उपनगराध्यक्ष म्हणून संतोष बेले यांची बिनविरोध निवड करण्यात आली. व्हिडिओ कॉन्फरन्सद्वारे नगराध्यक्ष विजय सावंत यांच्या अध्यक्षतेखाली झालेल्या सभेत संतोष बेले यांची निवड करण्यात आली. यावेळी मुख्याधिकारी पृथ्वीराज पाटील, पक्षप्रतोद जाफर मुजावर उपस्थित होते.
तासगाव नगरपालिकेवर खासदार संजयकाका पाटील गटाची एकहाती सत्ता आहे. नगरपालिकेला अवघ्या काही महिन्यांचा कालावधी राहिला असताना तासगावात उपनगराध्यक्ष बदलाची संगीतखुर्ची सुरू झाली आहे. यापूर्वीच्या उपनगराध्यक्षांनी राजीनामा दिल्यामुळे रिक्त झालेल्या जागेवर संतोष बेले यांची निवड करण्यात आली.
वास्तविक नगरपालिकेचा कार्यकाल संपण्यासाठी थोडाच कालावधी शिल्लक आहे. त्यामुळे शेवटच्या टप्प्यात उपनगराध्यक्षपदाची पाटी नावापुढे लावण्यासाठी अनेक नगरसेवक गुडघ्याला बाशिंग बांधून होते. अनेकांनी खासदार संजयकाका पाटील यांच्याकडे गेल्या काही दिवसांपासून लॉबिंग सुरू केले होते. तासगाव पालिकेत खासदार गटात सुरू असलेल्या गटबाजीमुळे या लॉबिंगला खतपाणी घातले गेले. मात्र खासदारांनी बेले यांचे नाव निश्चित केले. त्यानुसार बेले यांची उपनगराध्यक्ष म्हणून बिनविरोध निवड करण्यात आली.